Փաստ ինֆո

Արցախը դավադրաբար, ծրագրված պարտվողական պատերազմի արդյունքում՝ ամբողջովին ադրբեջանին հանձնած, Սյունիքից և Գեղարքունիքից փաստացի ադրբեջանին հայկական բարձունքներ զիջած անձը երեկ անձամբ է այցելել Տավուշ՝ առաջին ձեռքից հայտնելով նրանց սարսափելի բոթը՝ Տավուշից գյուղեր պիտի հանձնի ադրբեջանին։

ՈՒղղակի կանգնում է Ոսկեպարի գյուղացիների դեմ-դիմաց՝ հայտարարելով թե՝ իրենց գյուղը եթե չզիջեն ադրբեյջանին, ապա պատերազմ կլինի․․․

Նախ՝ վախեցնելով հայրենակիցներին, հետո՝ տեսնելով աներկյուղ ոսկեպարցիների արձագանքը, թե՝ «Մենք պատրաստ ենք կռվել հանուն մեր հայրենիքի, թող մեզ զինեն՝ մենք մեր հողը կպահենք, վերջինս անցնում է տոտալ տեռորի, թե՝ «Պակիստանը կհարձակվի, ռուսը կհարձակվի»։

Պարզ գյուղացին հասկանում է, որ իր դիմաց վախկոտ, մորթապաշտ մեկն է, որը մի բան է կարողանում միայն՝ հանձնել, հանձնել, հանձնել այնքան, մինչև ամբողջովին հանձնվելը․․․մեկը, որին սեփական իշխանությունից բացի՝ այլ բան չի հետաքրքրում, ի՜նչ հող, ի՜նչ հայկական գյուղեր, ի՜նչ ծննդավայր․․․

Ռուսն ինչի՞ պետք է հարձակվի մեզ վրա, մի սրի՝ չհարձակվի՝ մտածում է գյուղացին», բնականաբար, հասկանալով, որ ուղղակի իրենց դեմ կանգնած անձը ստում է։

Ի հեճուկս վարչապետի աթոռն զբաղեցնողի՝ Տավուշի մարզի սահմանամերձ մի քանի գյուղերում սկսված ստորագրահավաքն ընդդեմ ՀՀ կառավարության պարտվողական, զիջողական քաղաքականության, համայնքների երիտասարդները որոշել են շարունակել մինչև վերջ։ Այսինքն, ֆիդայական պայքա՞ր կրկին․․․

Հարց է ծագում՝ իսկ ի՞նչ էր մտածում հանդիպման ընթացքում դահլիճում նստած ՀՀ փոխվարչապետ Մհեր Գրիգորյանը, որն օրեր առաջ ԱԺ-Կառավարություն հարցուպատասխանի ժամանակ հայտարարում էր, թե իբր՝ ադրբեջանի հետ սահամանագծման և սահմանազատման աշխատանքների ճանապարհային քարտեզ գոյություն ունի, որ փաստաթղթի նախագիծ է լինելու, ներպետական շրջանառության մեջ են դնելու։ Հետո՝ օրենքի նախագիծ որպես պիտի շրջանառվի․․․ բլա-բլա-բլա․․․Իսկ սահմանազատման ու սահմանագծման բուն գործընթացը շատ ժամանակ կպահանջի․․․ բլա-բլա բլա․․․

Ի՞նչ են նշանակում իր շեֆի հայտարարությունները, ու՞ր կորավ զույգ երկրների իրավական հիմնավորումներով և համաձայնեցված քարտեզներով սահմանազատում-սահմանագծում սկսելը․․․

Այս գործողություններին փոխարինողը փաշինյանական աղետաբեր ա՞յցն է Ոսկեպար ու Բաղանիս․․․Հերթակա՞նը․․․ ալիևը շտապեցնու՞մ է․․․

Ընդհանրապես, ՀՀ-ադրբեջան դելիմիտացիա-դեմարկացիա ծրագրի՝ Հայաստանը ներկայացնող պաշտոնյա՝ մհերգրիգորյանը՝ ո՞վ է, մեկը, որ կամովին գործի՞ք է դարձել փաշինյանի ձեռքին՝ ստորագրելով նախ՝ գյուղերը դատարկել-հանձնելու, ապա՝ զատել ու գծե՞լ․․․հերթական դավադրության տա՞կ․․․

Աղբյուր` Փաստինֆո