Փաստ ինֆո

Դաշնակցական նախարարի կողմից սաղ մանկապարտեզներն ու դպրոցները ծախեցիք, հիմա քննադատում եք ակադեմիական քաղաքը, լո՞ւրջ եք ասում տիկի՛ն Գալստյան, մի հատ մտածե՛ք նոր խոսեք։ ԱԺ-ում հայտարարությունների ժամին հայտարարել է ԱԺ «ՔՊ» խմբակցության քարտուղար Արթուր Հովհաննիսյանը՝ արձագանքելով ընդդիմադիր պատգամավոր Լիլիթ Գալստյանի ելույթին։

Վերջինս քննադատել էր իշխանությունների նախաձեռնած, այսպես կոչված, ակադեմիական քաղաքի հիմնումը, որի շրջանակներում միավորում են տարբեր բուհեր՝ մտադրվելով տեղափոխել Երեւանից։

«Ի՞նչ է նշանակում կազմալուծվող երկրում սենց բաներ եք անում։ Հո Դուք ղառղառ չեք, հարգելի՛ ընդդիմություն, կներեք, էս ի՞նչ եք խոսում, ի՛մ պետության , ի՛մ Հայաստանի Հանրապետության սուվերեն պետության մասին չհամարձակվե՛ք անեծքներով խոսալ, հո Դուք ջադու չեք։ Դուք քաղաքական ընդդիմությո՞ւն եք, խոսե՛ք քաղաքական լեքսիկոնով։ Չի՞ կարելի անիծել Հայաստանի Հանրապետությունը ու ժողովրդին։ Դուք դա եք անում, լավ է գոնե կառավարման լծակներ չունեք, որովհետև էն ժամանակ Ձեր անծքները գործնականում կկիրառեիք, ա՛յ քեզ բան»,- ասաց իշխանական պատգամավորը, որի ձեւավորած կառավարությունը առանց որեւէ քարտեզի ու այլընտարնքային ենթակառուցվածքներ կառուցելու հիմա էլ Տավուշի տարածքներն է հանձնում թշնամուն։

Աղբյուր` Փաստինֆո