Փաստ ինֆո

Այն, որ արհավիրքը ոչ թե գալիս է, այլ բոլորս արդեն տևական ժամանակ ապրում ենք այդ արահավիրքի պայմաններում, իհարկե, գաղտնիք չէ։ Գաղտնիք չէ նաև այն, որ այդ արհավիրքի պատճառը մեկ մարդ է։ Այս մասին ԱԺ-ում այսօրվա հայտարարությունների ժամին ասաց «Պատիվ ունեմ» խմբակցության պատգամավոր Աննա Մկրտչյանը։

«2018 թ-ից տարբեր հավելվածներով կառավարվող իշխանությունը, պարզվում է, այդ հավելվածներն ու հաղորդագրություններն օգտագործելու էր հետագայում։ Իհարկե, առանձին ողբերգություն է, որ երկրիդ պաշտպանական կամ անվտանգային ղեկավար կազմը շփվում է վոցապով, մի հատ էլ էդ մակարդակի է շփվում, մի հատ էլ սուբյեկտներից մեկը դա հանրայնացնում է»,- նշել է պատգամավորը՝ չբացառելով, որ այդ նույն հավելվածներում կհանդիպենք «Հայաստանը չի խառնվի Արցախի հանձնմանը» հաղորդագրությանը, կամ «Կարո՞ղ է 2 օրում 100 000 մարդ տեղահանենք», կամ՝ «պայմանավորվենք, որ Արևմտյան հարթակը մեզ էլ պետք չի», կամ «պայմանավորվենք, որ ռուսներն են մե»ավոր, ՀԱՊԿ-ը պետք չի, սառեցնում ենք, իսկ թուրքերին տաքացնում»։

Ըստ ընդդիմադիր պատգամավորի՝ այս բացահայտումները դեռ առջևում են։

Նա ընդգծեց, որ իրականությունն այն է, որ «Նիկոլի համար Հայաստանի գոյությունը աքսիոմա չէ»։
«Թեորետիկ է, թե Արցախի Հանրապետությունը, թե Հայաստանի Հանրապետությունը, թեորետիկ են հայ ժողովրդի համար ընկած հայորդին, հայ ժողովրդի պատմությունը, հայոց հաղթանակները։ Աքսիոման միայն՝ իշխանությունն է, փողը, իհարկե, յուր խմբավորման հետ միասին, իսկ մենք գիտենք իրական աքսիոման։ Այո,, ճիշտ եք ասում, պրոբլեմը դուք եք, պրոբլեմը ձեր մեջ է , ձեր հետևություններն էլ են ճիշտ, պետք է թողնեք ու ռադներդ քաշենք, որ էս ժողովուրդն էլ ձեզնից պրծնի»,- հայտարարել է Աննա Մկրտչյանը։

Այս ելույթից հետո դահլիճում իրարանցում սկսվեց։ Նիստը վարող Ռուբեն Ռուբինյանն էլ Աննա Մկրտչյանի նախազգուշացում հայտարարեց, ու հորդորեց չտրվել սադրանքների։ «Շատ բան կարելի է ասել իրենց, իրենց վայ առաջնորդի մասին, բայց իրենք դրան արժանի չեն, ի վերջո, սա հայկական ուժերի բանակցությունների վայր է, ոչ թե այլ ուժերի»։

Աղբյուր` Փաստինֆո