Փաստ ինֆո

Մոտ ապագայում Գազային կարող է սպառնալ զանգվածային սովը։ Այս մասին ասվում է Պարենային անվտանգության փուլերի ինտեգրված դասակարգման նոր զեկույցում։

Պարենի և գյուղատնտեսության կազմակերպության հայտարարության համաձայն՝ Գազայի հյուսիսային նահանգներում մինչև ընթացիկ տարվա մայիս կարող է համատարած սով հայտարարվել։

«Գազայի պաղեստինցիները տառապում են սարսափելի սովից և զրկանքներից»,- նոր տվյալները մեկնաբանել է ՄԱԿ-ի գլխավոր քարտուղար Անտոնիո Գուտերեշը՝ ընդգծելով. «Սա աղետալի սովի բախվող մարդկանց ամենամեծ թիվն է, որը երբևէ գրանցվել է Սննդի անվտանգության ինտեգրված փուլի դասակարգմամբ»:

Նրա խոսքով, զեկույցը ցույց է տալիս, որ ճգնաժամը կարելի է կանգնեցնել, իսկ դա պահանջում է անհապաղ մարդասիրական հրադադար։

ՄԱԿ-ի ղեկավարը Իսրայելի իշխանություններին կոչ է արել ապահովել օգնության ամբողջական և անարգել մուտքը Գազայի հատվածում: Նա նաև կոչ է արել միջազգային հանրությանը աջակցել մարդասիրական ջանքերին և կանխել «անպատկերացնելի» աղետը։

Աղբյուր` Փաստինֆո