Փաստ ինֆո

ՀՀ ԱԺ-ն քննարկում է Հայաստանի Հանրապետության եւ Եվրոպական միության միջեւ Հայաստանում Եվրոպական միության առաքելության (ՀԵՄԱ) կարգավիճակի մասին» համաձայնագիրը վավերացնելու հարցը։ Նկատենք, որ համաձայնագիրը վերաբերում է բացառապես կարգավիճակին, ինչը ԱԺ-ում ներկայացրեց ՀՀ արտագքին գործերի նախարարի տեղակալ Մնացական Սաֆարյանը։

Ընդ որում՝ համաձայնագիրը վերաբերում է բացառապես կարգավիճակին, բայց՝ ոչ մանդատին։

ՀՀ ԱԺ «Հայաստան» խմբակցության պատգամավոր Գեղամ Մանուկյանը հետաքրքրվեց, թե արդյոք երրորդ երկրների, օրինակ՝ Թուրքայի, Ալբանիայի ներկայացուցիչները կարող են ներգրավվել Հայաստանում ԵՄ դիտորդական առաքելության մեջ։

«Փաստաթղթում կա դրույթ, որ ԵՄ-ն իր դիտորդական առաքելության մեջ կարող է ընդգրկել ոչ ԵՄ անդամ երկրներ։ Փաստաթղթում չեմ գտնում որևէ դրույթ, որ Հայաստանը ոչ ԵՄ անդամ երկրների ընդգրկվելու հետ կապված որևէ դիրքորոշում, համաձայնություն պետք է հայտնի։ ԵՄ առաքելությանը և Եվրամիությանն այդպիսի հնարվորություն տալով, որ ցանկացած պետության դիտորդներ կարող է իր կազմում ընդգրկել , արդյո՞ք բացառվում է տարբերակ, ենթադրենք Թուրքիայից, Ալբանիայից կամ այլ երկրներից դիտորդների ընդգրկումը»,- ասել է պատգամավորը։

Կամ արդյո՞ք Հայաստանը որևէ կերպ իրավունք, հնարավորություն ունի սահմանափակել ԵՄ դիտորդների թիվը։ Սաֆարյանը վստահեցրեց, որ նախքան առաքելության կազմում ԵՄ անդամ չհանդիսացող երկրների ներգրավումը, քաղաքական երկխոսության շրջանակներում, Հայաստանի հետ ձեռք է բերվում համաձայնություն։ Որպես օրինակ նա մատնանշեց Կանադան՝ արձանագրելով, որ այդ երկիրը Հայաստանում ԵՄ դիտորդական առաքելության կազմում ընդգրկելուց առաջ խորհրդակցություններ են եղել։
«Հարկ է նշել, որ համաձայնագիրը պարունակում է դրույթ, որի համաձայն ֆունկցիոնալ, վարչական, տեխնիկական հարցերը կարող են դառնալ առանձին պայմանավորվածությունների առարկա՝ առաքելության ղեկավարի և ՀՀ վարչական մարմինների միջև։ Այս հոդվածի շրջանակներում կարող է նախատեսվել գրավոր համաձայնության ընթացակարգ, ինչը վերաբերում է նաև թվաքանակի հետ կապված Ձեր հարցին»,- արձագանքել է արտգործնախարարի տեղակալը։

Ի պատասխան պատգամավորը նկատեց. «նայե՛ք, «կարող է դառնալը», չի նշանակում պե՛տք է դառնա»։ Գեղամ Մանուկյանը կասկած հայտնեց, որ այդպիսի առաձգական բովանդակությամբ հոդված զետեղելը համաձայնագրում ԵՄ դիտորդական առաջելությանը հնարավորություն է տալիս գործել նաեւ առանց խորհրդակցության։ «Դա բանավոր հասկացությունների մեջ է, որ պետք է նախնական խորհրդակցությունների արդյունքում լինի, բայց երբ փաստաթուղթը վավերացվում է, դա արդեն վավերացված կետն է, որ գործում է, այլ ո՛չ թե հասկացողությունների վրա է, իսկ կետը չի նախատեսում երկրների ընդգրկում, թվակազմի փոփոխությունը ՀՀ-ի հետ քննակելը» ,- ասաց պատգամավորն ու ընդգծեց, որ համաձայնագրում չի գտնում նաև տեխնիկակական միջոցներ, օդանավեր, այդ ամենի սահմանափակման մասին դրույթը։

«Չեմ գտնում։ Խոսում եք՝ օդաչուն կարող է այստեղ թռչել ԵՄ դիտորդական առաքելության շրջանակում, բայց օդանավի տեսակի մասին որևէ հիշատակում չկա» ։ Պատգամավորի այս դիտարկմանն ի պատասխան, փոխնախախարը հավաստիացրեց, որ երրորդ երկրների մասը մեխանիզմ է, որը պարտավորություններ է առաջացնում երրորդ երկրների համար։ Եվ այդ խորհրդակցությունների արդյունքում է , որ Կանադայի մասնակցության մասով արվել է։

Աղբյուր` Փաստինֆո