Փաստ ինֆո

Մոսկվան շփումների ընթացքում Հայաստանի հետ քննարկում է «արևմտյան երկրների կողմից Երևանին իրենց հակառուսական շրջանակում ներքաշելու» հարցը, որպեսզի նախազգուշացնի ռիսկերի մասին, հայկական կողմը որոշ փաստարկներ ընդունել է։ Այս մասին «Ռիա Նովոստիի» հետ զրույցում ասել է ՌԴ ԱԳՆ մամուլի խոսնակ Մարիա Զախարովան։

«Ցավոք, մենք տեսնում ենք այդ միտումը բավական վաղուց, եւ մենք դրա մասին խոսում ենք։ Մենք խոսում ենք, այդ թվում վստահալից, մեր հայ գործընկերների հետ միայն մեկ նպատակով՝ նախազգուշացման»,- հայտարարել է Զախարովան՝ նշելով, որ «Մոսկվայի որոշ փաստարկներ ընկալվել են հայկական կողմից, անգամ ընդունվել են որոշ միջոցներ»։

Զախարովան նշել է, որ հիանալ հասկանում են, որ ԱՄՆ-ն և ընդհանուր առմամբ հավաքական Արևմուտքը ոչ թե տասնամյակներ, այլ՝ հարյուրամյակներ օգտագործում է երկրների և ժողովուրդների հանդեպ վերաբերմունքի մարտավարությունը որպես գործիք՝ միևնույն ժամանակ դա քողարկելով բարի մտադրություններով։

«Եթե մեր տարածաշրջանում նման օրինակներ չլինեին, հավանաբար, կարելի կլիներ մտածել, որ հենց հետխորհրդային տարածքի հանդեպ Միացյալ Նահանգները եւ Արևմուտքը չեն կիրառի այդ մարտավարությունը»,- նշել է Զախարովան։

Նրա խոսքով՝ Մոսկվան անկեղծորեն ցանկանում է, որ Հայաստանը պահպանի իր ինքնիշխանությունը, կառուցի քաղաքականություն՝ ելնելով ազգային շահերից։

«Ի՞նչ է ազգային շահը։ Ոչ այն շահերը, որոնք գրել է ինչ-որ մեկն այնտեղ՝ Բրյուսելում կամ էլի մի ինչ-որ մայրաքաղաքում, այլ նրանք, որոնք արտացոլում են ժողովրդի մշակութային ինքնությունը, որոնք շաղկապված են այն մարդկանց շահերի հետ, որոնք ամեն օր իրենց աշխատանքով ստեղծում են ահա այս ամենահանրային բարիքը, որոնք դաստիարակելու են, ցանկանում են եւ դաստիարակելու են իրենց երեխաներին իրենց հողում, որոնք Հայաստանին չեն վերաբերվում տրանզիտային գիտակցության տեսակետով, այլ ցանկանում են ապրել այնտեղ, ցանկանում են ստեղծել այնտեղ թե՛ ազգային արտադրանք, թե՛ իրենց ընտանիքներին, իրենց տները»,- ասել է Զախարովան։

Աղբյուր` Փաստինֆո