Փաստ ինֆո

Շատ բարդ, բազմաշերտ գորրծընթաց է։ Կառավարության նիստից հետո տեղի ունեցած ճեպազրույցում հայտարարել է ՀՀ ԿԳՄՍ նախարար Ժաննա Անդրեասյանը՝ անդրադառնալով Ակադեմիական քաղաքի ծրագրի շրջանակներում Կոնսերվատորիան որպես ինքնուրույն ԲՈՒՀ փակելու ծրագրին։ Նշենք, որ կառավարության այս նախաձեռնությունը բուռն քննարկումների տեղիք է տվել, եւ արդեն սկսվել է ստորագրահավաք՝ ի պաշտպանություն Կոնսերվատորիայի։

Նախարարը հիշեցրել է, որ դեռևս նախորդ տարի հաստատվել է «Հայաստանի Հանրապետության կրթության մինչև 2030 թվականի զարգացման պետական ծրագիրը» , որով նախատեսված է, որ կրթության զարգացման եւ գիտահետազոտական հիմնարկները պետք է գործեն մեկ հովանու ներքո։

«Առաջարկել էինք, որ բուհերը մինչեւ փետրվարի 15-ը ներկայացնեն իրենց առաջարկները, դեմ - կողմ հիմնավորումները։ Արվեստի ուղղությամբ երեկ կայացել է առաջին քննարկումը, որտեղ ընդգրկված է եղել նաեւ կոնսերվատորիան։ Շատ բարդ գործընթաց է, շատ բազմաշերտ գորրծընթաց է, պարզ է, որ պետք է իրենց դիտարկումները տան։ Հիմա ձեւավորել ենք աշխատանքային խմբեր, որոնք մանրամասն քննարկելու են բոլոր կողմ, դեմ հիմնավորումները, փաստարկները։ Պարզ է, որ շատ բան պիտի հաշվի առնվի։ Իհարկե, սիրով բոլոր կարծիքները կլսենք»,- ասել է նախարար Ժաննա Անդրեսյանը՝ վստահեցնելով, որ ուրախ է ուսանողների ու պրոֆեսորադասախոսական կազմի ակտիվության համար։
«Միակ ճիշտ ճանապարհը անընդհատ քննակումների միջոցով լավագույն տարբերակը գտնելն է»,- նշել է Ժաննա Անդրեասյանը։

Անդրադառնալով Կոմիտասի անվան կոնսերվատորիան ծրագրից դուրս բերելու հավանականությանը վերաբերող հարցին՝ նախարարը նշել է. «Բուհերի միավորման և գիտահետազոտական կազմակերպությունների հետ միասին մեկ հովանոցի տակ գործելու ծրագիրը օրենք է, որովհետեւ կրթության զարգացման մինչեւ 2030 թվականի պետական ծրագիրը հաստատված է ԱԺ կողմից, որտեղ ֆիքսված է մեր թիրախը , թե պետական ֆինանսավորմամբ քանի բուհ պիտի ունենանք»։ Նա նշել է, որ քննարկումները դրա շրջանակներում պետք է տեղի ունենան»։

Աղբյուր` Փաստինֆո