Փաստ ինֆո

Վիրտուալ հարաբերությունները զարգացման հնարավորություն ունեն, եթե մարդիկ գոնե երբեմն իրական հանդիպումներ են կազմակերպում, կարծում է հոգեբան Օլգա Սավկինը։ Նա Հինգերորդ ալիքի հետ զրույցում նշել է ռոմանտիկ առցանց կապի հաջողության պայմանները։

Սավկինը խորհուրդ է տվել ուշադրություն դարձնել, թե ինչ խորության խոսակցություններ է վարում առցանց զուգընկերը։ «Անկեղծություն, շիտակություն, անձնական ապրումներով, սեփական հուզական վիճակներով կիսվելու ունակություն։  Զուգընկերոջը ճանաչելու և նրան հարցեր տալու պահանջը, նրա կյանքի մասին, այն մասին, թե ինչպես է անցել օրը, ինչպես է նա իրեն զգում, դժվար պահերին օգնելն ու աջակցելը՝ այս ամենն առողջ հարաբերությունների բոլոր նշաններն են», — ասել է հոգեբանը։

Վիրտուալ հարաբերությունները, վստահ է նա, հաջողության շանսեր ունեն, եթե զույգը աջակցում է միմյանց, համատեղ ծրագրեր է կազմում, կիսում է երազանքները եւ նախատեսում է դրանք իրականություն դարձնել: Միևնույն ժամանակ, հոգեբանը պարտադիր է համարում պարբերական իրական հանդիպումները, քանի որ առանց դրանց սիրահարները վտանգում են կորցնել ընդհանուր հետաքրքրություններն ու շփման աշխուժությունը: Սավկինը շարունակել է, որ նույնիսկ մեկ հանդիպումը կարող է փոխել հարաբերությունները, այդ դեպքում առցանց շփումն ավելի հեշտ կլինի կառուցել: «Չնայած դժվարություններին, չնայած ռիսկերին, վիրտուալ հարաբերությունները հաստատ ունեն իրենց հեռանկարը"», - վստահեցնում է փորձագետը:

Բացի այդ, Սավկինը խորհուրդ է տվել ավելի մանրամասն հարցաթերթիկներ լրացնել ծանոթությունների կայքերում, որպեսզի հարմար զուգընկեր գտնելու ավելի մեծ հնարավորություն լինի, ինչպես նաև առաջին շփման ժամանակ ցույց տալ սեփական իրական հատկանիշները, որպեսզի այդ հարաբերություններն ունենան ազնիվ և շիտակ հեռանկար:

Աղբյուր` Փաստինֆո