Փաստ ինֆո

Իշխանությունները վախենում են իմ 5 րոպեանոց ելույթից։ Քաղաքապետարանի մոտ հայտարարել է Հայկ Մարությանը, որին թույլ չտրվեց մասնակցել Երեւանի ավագանու նիստին, որտեղ քննարկվում է տրանսպորտի ուղեւարձի թանկացման հարցը։

«Սա օրենքի կոպտագույն խախտում է, նաև՝ տեղական ինքնակառավարման մարմինների լոգիկայից դուրս է։ Ամբողջ աշխարհում, եթե խոսում ենք զարգացած արեւմտյան աշխարհի մասին, հատկապես, որ հիմա մեր կառավարությունը խոսո՞ւմ էր չէ, մենք դեմոկրաստիայի բաստիոնն ենք չէ՞ , ամբողջ աշխարհում ՏԻՄ-երն ամենաբաց մարմիններն են, որտեղ միշտ մուտք ու ելք կա»- նշել է Մարությանն՝ ավելացնելով, որ իրենց խմբակցությունը հրավիրել էր իրեն նիստին կարճ ելույթ ունենալու, ինչից իշխանությունները, փաստորեն, վախեցել են։

«Էս մեր չակերտավոր հեղափոխական իշխանությունն է, իրենք ի՞նչ էին ասում՝ ի դեմս նաև Նիկոլ Փաշինյանի, Սերժ Սարգսյանի օրոք ասում էին, որ սա ավտորիտար պետություն է , կոռուպցիա է, ամենի ինչ վերևից է որոշվում, արգելում են այլն- չայլն։ Բայց եկե՛ք հիշենք, որ նույն այդ պրոցեսների ժամանակ նույն այդ Նիկոլ Փաշինյանը մտավ ռադիոտուն , ընդ որում ոչ մի իրավունք չունենալով՝ ասելով, որ սա գերակա հանրային շահ է ։ Ինչպես բոլորս տեսնում ենք ոչ մի քրեական հետապնդում չի եղել։ Հիշենք միտինգների ամենաթեժ ժամանակ, երբ Նիկոլ Փաշինյանը կանգնեց ասաց, մենք պետք է գնանք ԱԺ , ոստիկանությունը չէր թողնում , ասացին. «Ձեզ կթողնենք միայն», նա էլ պատասխանեց, թե իմ ետևում կանգնած ժողովրդի հետ ընդունելություն պետք է անեմ»։ Կհիշե՚ք, լարվածություն եղավ, ձեռքը վնասեց։ Փաստացի այսօր մեր ֆրակցիան հրավիրել է ինձ, որ ես 5 րոպենաց ելույթ ունենամ ։ Եվ էս մարդիկ, խախտելով բոլոր օրենքները՝ և՚ իրավական, և՚ բարոյական, թույլ չեն տալիս 5 րոպե ելույթ ունենամ»,- հայտարարել է Հայկ Մարությանը՝ նշելով, որ սա հստակ խոսում է այն մասին, որ էս մարդիկ չեն ուզեցել հեղափոխություն անել։

« Իրանք դեմ չէին Սերժ Սարգսյանին, դեմ չէին ՀՀԿ ին, իրենք ուղղակի ուզում էին , որ իրենք լինեն Սերժ Սարգսյանի ու ՀՀԿ-ի տեղը, որ իրանք վայելեն իշխանությունը, կոռուպցիան»,- ընդգծել է Մարությանը։

Աղբյուր` Փաստինֆո