Փաստ ինֆո

Լրագրող Յունիա Պուգաչովան Քսենիա Սոբչակի դեմ ոստիկանություն դիմում է պատրաստում ՌԴ ՔՕ 163-րդ հոդվածով («շորթում»)՝ կապված իր ամուսնու հասցեին սպառնալիքների հետ: Այս մասին նա հայտարարել Է YouTube-ի իր ալիքում։

Պուգաչովայի խոսքով՝ Սոբչակը սպառնացել է վարկաբեկիչ նյութ հրապարակել Պուգաչովայի ամուսնու՝ «Սիստեմա» ԲՖԿ-ի (Բաժնետիրական ֆինանսական կորպորացիա) նախկին թոփ-մենեջեր Անտոն Աբուգովի մասին, եթե վերջինս չդադարեցնի հեռուստատեսությամբ «Սոբչակի ձերբակալված աշխատակիցների եւ «Ռոստեխից» շորթման գործում նրա դերի մասին» տեղեկատվության լուսաբանումը:

Լրագրողն անտեսել է սպառնալիքները եւ շարունակել պնդել, որ Սոբչակը հրաժարվել է նյութապես օգնել եւ փաստաբաններին վճարել իր աշխատակիցներին՝ «Մարեք լույսը» Telegram-ալիքի գլխավոր խմբագիր Արիան Ռոմանովսկուն եւ ադմինիստրատոր Թամերլան Բիգաեւին նրանց ձերբակալությունից հետո:

Լրագրողները մեղադրվում էին «Ռոստեխ» կորպորացիայի ղեկավար Սերգեյ Չեմեզովից 11 միլիոն ռուբլի շորթելու մեջ՝ «Մարեք լույսը» Տելեգրամյան ալիքում նրա մասին հրապարակումները ջնջելու համար, որոնք արվել էին 2022 թվականի նոյեմբերին։ Այդ ժամանակ էլ հաղորդվել էր, որ ալիքի սեփականատերը Սոբչակն է եղել։ Ավելի ուշ լրագրողը ներողություն է խնդրել գործընկերների գործողությունների համար և հավելել, որ նրանք զղջում են կատարածի համար:

Պուգաչովան նաև հրաժարվել է ընդունել այն փաստը, որ և Ռոմանովսկին, և Բիգաևը կատարել են Սոբչակի հանձնարարությունը՝ հրապարակելով նյութ Չեմեզովի մասին, որն արդյունքում հիմք է հանդիսացել շորթման վերաբերյալ մեղադրական եզրակացության համար: Ի պատասխան՝ Սոբչակն իր YouTube-ալիքում Անտոն Աբուգովի մասին նյութ է հրապարակել՝ հայտարարելով, որ «Սիստեմա» ԲՖԿ-ում աշխատելու ընթացքում հարկեր չի վճարել: Պուգաչովան հերքել է Սոբչակի հայտարարությունն ու նրան մեղադրել ստի մեջ՝ նշելով, որ Ռուսաստանի հարկային օրենսդրության համաձայն՝ ֆիզիկական անձի եկամտահարկը պահվում և վճարվում է գործատուի կողմից, այսինքն՝ «Սիստեմա»-ի կողմից:

Պուգաչովայի խոսքով՝ եթե իրեն չհաջողվի «հասնել արդարության, նրա իրավաբանները կդիտարկեն այլ իրավասություններ»:

Աղբյուր` Փաստինֆո