Փաստ ինֆո

Մենք չենք կարող հանդուրժել Նիկոլ Փաշինյանի իշխանությունը, մեղք ենք: Այս մասին Գյումրիում «Միասին» շարժման հանրահավաքի ժամանակ հայտարարեց ՀՀ նախկին վարչապետ Հրանտ Բագրատյանը։ «Այս իշխանությունը ձախողել է ամեն ինչ։ Երբ եկել էր ասում էր՝ գողացված փողերը հետ եմ բերելու, 6 տարի անցավ, 1 դոլար այդ թալանած փողեցրից բյուջե չի մտել, փոխարենը իրենց թալանը կա։ 8 մլրդ դոլարի պետական պատվեր է եղել, որից 7 մլրդ-ը՝ առանց մրցույթի։ Նախկինում, որ լինում էր՝ մի կաբել էր գտնում, ասում էր՝ էս կաբելը առանց մրցույթի եք առել»։ Բագրատյանի դիտարկմամբ՝ ռուս սահմանապահներին օդանավակայանից հանելու պատճառը նորկոտրաֆիկն է։

«2020 թվին խայտառակ պատերազմ էիր վարում, գնացիր խնդրեցիր, Պուտինը քեզ փրկեց, ասեցիր՝ 25 հազարանոց զորքը շրջապատված է, կկոտարվի, Պուտինը կանգնեցրեց և էդ պահին մի հատ էլ դիտողություն արեց, ասեք՝ 20 օր առաջ կանգնեցնեի՝ Քելբաջարն էլ, Շուշին էլ քեզ կմնար, և ի՞նչ, դա՞ է քո շնորհակալությունը։ Հիմա ի՞նչ եք ուզում, թուրքերի՞ն եք ուզում, կարոտե՞լ եք թուրքերին։ Աստված մի արասցե այդ ճանապարհը բացվի, ասում են ռուսական գազը փոխարինենք ադրբեջանականով, որը 4 անգամ ավելի թանկ է,։ Բա, սա անելու բան է, սա հանդուրժելո՞ւ է ժողովուրդ» Նրա բնորոշմամբ՝ իշխանությունները դժգոհ են ոչ թե նրանից, որ Ռուսաստանին դարձնում են թշնամի, այլ իրենց կաշվի համար են դժգոհ։ Դրան զուգահեռ՝ ուզում են Գյումրիից 102 ռազմաբազան հանեն, հանում են՝ տեղն ի՞նչ դնեն։

«Մի երկիր կա, որն ասում է՝ քիչ թե շատ կարող եմ կռվել. Ռուսաստանն է, բայց իշխանությունը դժգոհ է։ Ռուսաստանը չի գնացել Ադրբեջանին սպանելու, դրա համար դժգոհ են; Երբ այսպիսի բաներ ենք ասում, ասում են՝ ռուսամոլ ես, բա ի՞նչ, թրքամո՞լ լինենք։ Ի՞նչ է նշանակում՝ ռուսամոլ ես։

«Միասին» շարժումը չի ասում՝ թշնամացիր Ամերիկայի կամ Ֆրանսիայի հետ, այլ ասում է՝ այն, ինչ պայմանագիր ստորագրել ես Ռուսաստանի հետ՝ ռազմաքաղաքական, բարի եղիր՝ կատարիր։ Ռուսներին ինչո՞ւ ես գցում, խաբում, բերում ես Ղարաբաղ, հետո ասում՝ Արցախն Ադրբեջան է, ռուսներն էլ ասում են՝ որ զանգի, էլ դրա զանգերին մի պատասխանիր։ Չի կարողանում Պուտինին զանգի, եթե չի կարողանում զանգի, պիտի լոլոներ պատմի, չէ՞»,- հավելեց Հրանտ Բագրատյանը։

Նա նաև հիշեցրեց Նիկոլ Փաշինյանի հայտարարությունը, որ Ադրբեջանը Հայաստանից 31 գյուղ է վերցրել՝ ասելով. «Այսինքն՝ ստացվում է, որ 16 000 քկմ հող է օկուպացրել Ադրբեջանը։

Այսպես թշնամին Գյումրի էլ կգա, Երևանն էլ, ինչո՞ւ տեղներիցդ չեք շարժվում, ինչի՞ վրա եք հույսներդ դրել։

Ի՞նչ եք խոսում, թե նախկիններն են գալիս, նախկինները, էս ինչ ծամոն է ձեր բերանը։ Խայտառակ ձևով այս տարի իրենք փախնելու են իշխանությունից, «Զվարթնոցի» սահմանապահներին հանում են, որ իրենց թողնեն՝ գնան, թռնելու խնդիր չունենան, ես դրանում վստահ եմ»,- ասսց Հրանտ Բագրատյանը։

Աղբյուր` Փաստինֆո