Փաստ ինֆո

ԱՄՆ-ում ղեկավարը ոտնձգություն է կատարել ենթակա կնոջ նկատմամբ և աշխատանքից ազատել նրան այն բանից հետո, երբ իմացել է, որ կինը դիմել է իրավապահ մարմիններին: Այս մասին հայտնում է New York Post-ը։

39-ամյա Լատինա Բրաունը ոտնձգությունների է ենթարկվել իր ղեկավարի կողմից այն բանից հետո, երբ 2022 թվականի հունիսին աշխատանքի է անցել Նյու Յորքի ոստիկանությունում՝ որպես քաղաքի բնակչության հետ աշխատանքի մասնագետ։ Նրա ղեկավարը՝ 52-ամյա Բրայան Ադամսը, սկզբում սկսել է հաճոյախոսություններ անել Բրաունին, որոնք անպարկեշտ ակնարկներ էին պարունակում։ Այնուհետև ծառայողական մեքենայում գործնական հանդիպումից հետո Ադամսը հետաքրքրվել է, թե արդյոք ենթական ինքն իրեն «ցանկասեր"» է համարում։

Ավելի ուշ, մի օր, շեֆը նստել է Բրաունի աշխատասեղանին և ոտքերը տարածել նրա առջև՝ ցույց տալու համար, որ նրա առնանդամը գրգռված վիճակում է: Դա նկատել է ոստիկանության մեկ այլ աշխատակից։ Ադամսը անմիջապես հեռացել է, իսկ տեղի ունեցածի ականատես ոստիկանը Բրաունին դուրս է բերել փողոց։ Աղջիկը գործընկերոջը պատմել է պետի կողմից ոտնձգությունների մասին, եւ նա առաջարկել է կնոջը բողոք ներկայացնել։

Բրաունը հետևել է խորհրդին և պաշտոնական բողոք ներկայացրել Ադամսի դեմ ոտնձգությունների, խտրականության և հետապնդումների վերաբերյալ: Հենց որ տղամարդն իմացել է այդ մասին, անմիջապես աշխատանքից հեռացրել է նրան։ Բացի այդ, Ադամսը սկսել է հերքել իր մեղքը և նույնիսկ հայտարարել, որ Բրաունը գող է: Սակայն նրա մեղադրանքները չեն հաստատվել։ Այս գործով նախաքննությունը շարունակվում է:

Աղբյուր` Փաստինֆո