Փաստ ինֆո

Աշխատանք փնտրելու ծառայության մասնագետները պարզել են, թե ինչ են ուզում կանայք և կազմել են Մարտի 8-ի ամենացանկալի նվերների ցանկը, հայտնում է MIR 24-ը։

Լավագույն եռյակում ներառված են ծաղիկները, դրանք առաջին տեղում են։ Կանանց մոտ մեկ երրորդը ցանկանում է ստանալ դրանք: Կանանց 12%-ը կնախընտրեր ճամփորդել, իսկ 9%-ը, ըստ երևույթին, ինքն է ցանկանում ընտրել նվեր, հետևաբար ակնկալում է նվերի փոխարեն գումար։

Գեղեցիկ սեռի որոշ ներկայացուցիչներ ցանկանում են փայլել և երազում են զարդեր ստանալ այս օրը։ Այս ցանկությունը հայտնել է կանանց 7%-ը: Ցանկալի նվերների ցանկում կան նաև տարբեր գաջեթներ, սակայն կանանց միայն 6%-ն է ուրախանալու դրանցով։

Միևնույն ժամանակ, հետազոտողները նշում են, որ ցանկալին միշտ չէ, որ համընկնում է իրականության հետ։

Իրականում սովորաբար կանանց կեսից մի փոքր ավելին ծաղկեփնջեր է ստանում նվեր Մարտի 8-ին, 16%-ը՝ քաղցրավենիք, 13%-ը՝ օծանելիք և կոսմետիկա, իսկ 6%-ը՝ գումար։ Իսկ ամենատխուրն այն է, որ կանանց 14%-ը մնում է առանց ուշադրության և նվերների։

Աղբյուր` Փաստինֆո