Փաստ ինֆո

Նոր Նորքի Լվովյան փողոցի քանդվող տների բնակիչներն այսօր բողոքի ակցիա են արել Երևանի քաղաքապետարանի մոտ։

Բանկիչները նշում են, որ արդեն գրեթե 4 տասնամյակ, դեռ խորհրդային տարիներից շատերը այդ հատվածում տներ ու ենթակառուցվածքներ են կառուցել ու բնակվել։

Բնակիչներից Սեդա Հովհաննիսյանը պատմեց իր հրաևաններից մեկի մասին, ասաց՝ Տիգրանը, որբ է եղել, այդ տարածքում 30 տարվա ընթացքում տուն է սարքել ու բնակվել։ «30 տարի իմ աչքերով տեսել եմ, որ ոչ հայր ունի, ոչ մայր ունի, վարձով էր ապրում։ Ամեն քարը դնելուց մղկտացել եմ, որ իր աշխատավարձը դրել է՝ հատ-հատ քարերն իրար վրա շարել, իսկ հիմա եկել քանդում են։

Հարգում եմ վարչապետին էլ, քաղաքապետին էլ, խոնարհվում եմ իրենց առջև, բայց մենք էդ հարվածները գեղեցկացրել ենք, մաքրել ենք, ծառ ենք տնկել։

Տիգրանը 45 ծառ է տնկել, հիմա հանում են, որ գնա, ո՞ւր գնա»,-ասաց կինը։

Տիգրանն էլ ասաց, որ Էնտեղ ոչ մեկ ոչ մի բան չի արել, իրենք են բոլոր ենթակառուցվածքները հիմնել. «կանաչապատումներն էլ ենք մենք արել, կայուղին էլ ենք մենք քաշել, ամեն ինչն էլ մենք ենք արել։ Մենք չենք ուզում, որ մեր հետ խուլիգանաբար վարվեն, լավ կլինի՝ գան մեր հետ խորհրդակցեն, մենք մեր ղեկավարներին հարգում, սիրում ենք, պայքարել ենք, պետք լինի՝ էլի կպայքարենք, բայց մեր հետ խուլիգանավարի թող չվարվեն, թող գան, նստենք՝ որոշենք։ Թող ասենք, տուն տեղ-չունես, մի կերպ սարքել ես, մի ձև պիտի լուծում տրվի հարցին։ Ամեն մեկս ջանք ենք թափել, մեր երեխեքի բերանից կտրել՝ դրել ենք էդ հողի վրա։ Ուզում ենք, որ ժողովրդավար երկրում՝ ժողովրդին չճնշեն, եթե պիտի գան՝ քանդեն ջարդեն, դա ժողովրդավարություն չի, խուլիգանություն է։ Մենք չենք ուզում խուլիգանություն չլինի։ Մեզ ասում էին, որ մեզ սիրում են, թող հիմա գան սիրով իրար հետ խոսենք»։

Մեկ այլ բնակիչ էլ ասաց, որ տարիներ շարունակ, երբ այդ տարածքում տներ էին սարքում ոչ մի անգամ որևէ մեկը իրենց չի ասել, թե այդ տարածքում սարքած տները քանդելու են։ «Գոնե գային, ասեին՝ քանդելու ենք , մի արեք։ Բոլոր հարկերը մուծել ենք, սաղ, ամեն ինչ արել ենք, մտածել ենք, որ հեսա պետք ա գան, մեզ կարգավիճակ տան։ Ոչ մի անգամ չեն ասել՝ մի արեք մի սարքեք։ Հիմա էկել՝ ասում են դուրս եկեք, ուզում եք կանաչապետեք։ ՈՒզում եք կանաչապատել՝ եկեք մենք ձեզ օգնենք։ Ազատ տարածքներն ինչ ուզում եք՝ արեք։ Ով իշխանության է գալիս, կարծես ժողովրդից վրեժ լուծի, հիմա եկել՝ մեր տունն են քանդում»։

Աղբյուր` Փաստինֆո