Փաստ ինֆո

Հայաստանի ժողովրդի 35 տոկոսը այսօրվա իրավիճակի համար մեղադրում է այսօրվա կառավարությանը՝ ապաշնորհ կառավարման համար, ևս 30 տոկոսը կարծում է, որ միտում կա այս իրավիճակում։ Այս մասին այս մասին այսօր հրավիրված ասուլիսում ասաց քաղտեխնոլոգ Վիգեն Հակոբյանը՝ ընդգծելով, որ ստացվում է, որ հարցվածների մոտ 65 տոկոսը, լինելով դժգոհ, նաև մեկը մյուսից ավելի ռադիկալ մոտեցում ունեն։ «Այսինքն, մի մասն ասում է՝ տգետ են, չեն կարողանում մենեջմենթով զբաղվել ու կառավարել երկիրը, մյուս մասն ասում է, որ միտումնավոր են անում։

Եթե 30 տոկոսն ասում է, որ իշխանությունը միտումնավոր է անում, որ երկիրը տանի անդունդ՝ սրա տակ էլ տարբեր պատճառաբանություններ կարող են լինել, դա նշանակում է, որ ի սկզբանե դրա համար էին եկել, գործակալալան ցանց է աշխատում և այլն։ Այսինքն, 65 տոկոսն ունի մեկը մյուսից ավելի արմատական մոտեցում»։

Նա ընդգծեց, որ ընդհանուր առմամբ՝ Նիկոլ Փաշինյանը և իր վարչախումբը միշտ նույն խաղաքարտն են նետում սեղանին, թե պատերազմի պարտությունից հետո ժողովրդի մեծամասնության ձայները, դա նշանակում է, որ իրենց արգումենտները ավելի հասկանալի են ժողովրդին։ «Եթե անգամ հաշվի չառնենք որոշակի մանիպուլիացիաները՝ այդ պահին աշխատում էր մի հիմնական օրակարգ՝ «ցանկացած գնով միայն թե խաղաղություն լինի»։ Այսինքն, կար խաղաղության պահանջարկ, քանի որ կար մարդկանց մոտ դեպրեսիա, սթրես, վախ, հենց այդ խաղաղությունն էլ Փաշինյանը մատուցեց։ Ավելին, այդ ժամանակ իրական խաղաղության կանցեպտ ընդդիմության կողմից չառաջարկվեց»։

Հակոբյանի դիտարկմամբ՝ այսօր Նիկոլ Փաշինյանի իշխանության մնալու քաղաքական գրավականն այն է, որ այն պահանջարկը, որ ձևավորվեց՝ 2020 թ-ի պարտությունից ու կորուստներից հետո՝ խաղաղությունն էր։ «Այդ վակումի պայմանները Փաշինյանին թույլ տվեց ասել, որ իր կոնցեպտը խաղաղություն կբերի, իսկ ընդդիմության կոնցեպտը պատերազմն է։ Ես կարծում եմ, որ մինչև հիմա այդ վակումը այլընտրանքային խաղաղության կոնցեպխտի գոյություն չունի։ Այն ուժերը, որոնք կկարողանան քիչ թե շատ խաղաղության այլընտրանքային կոնցեպտ ներկայացնել՝ հնարավորություն կունենան մարդկանց փողոց հանել։

Նիկոլ Փաշինյանի մինչ օրը իշխանության մնալը պայմանավորված է հենց իրատեսական խաղաղության կոնցեպտի այլընտրանքի բացակայությամբ։

Փաստ է, որ իշխանությունն այսօր ունի 15-17 տոկոս, ընդդիմադիր տարբեր սենգենտները շատ քիչ տոկոսներ ունեն՝ 3, 4, 5, բայց բոլորը միասին ավելի շատ տոկոս ունեն, քան իշխանությունը»։

Աղբյուր` Փաստինֆո