Փաստ ինֆո

Համաշխարհային մամուլը երկրորդ օրն է քննարկում Է արքայազն Ուիլյամի, որը Չարլզ III — ից հետո ժառանգելու է բրիտանական գահը, կնոջ՝ Քեյթ Միդլթոնի տևական լռությունը: Նա երկու ամիս չի ներկայացել հանրությանը, հայտարարություններ չի արել և չի հրապարակել իր լուսանկարներն ու տեսանյութերը։ Պաշտոնական վարկածի համաձայն՝ արքայադուստրը վերականգնվում է որովայնի խոռոչի անսպասելի վիրահատությունից հետո։ Ասեկոսեները նրա անհետացումը բացատրում են լուրջ հիվանդությամբ, կոմայով և նույնիսկ ամուսնալուծությամբ։

Հունվարի 17 Քենսինգթոնյան պալատը հայտարարել Է, որ Քեյթ Միդլթոնը որովայնի վիրահատության է ենթարկվել: Հաղորդագրության մեջ չի նշվել, թե ինչու է այն պահանջվել, սակայն ընդգծվել է, որ ընթացակարգը կապված չէ օնկոլոգիական հիվանդության հետ։

Անսպասելի հոսպիտալացումը անակնկալ էր բոլորի համար. պալատում կապեր ունեցող Page Six-ի աղբյուրները պնդում էին, որ այն մինչև վերջին պահը թաքցվել է նույնիսկ թագավորական ընտանիքի ընկերներից և արքայադստեր ամենամոտ օգնականներից: Նրանց բացատրությամբ՝ նման գաղտնիությունը բացատրվում էր նրանով, որ Քեյթն ու Ուիլյամը ձգտում են անձնական կյանքը պաշտպանել միջամտություններից։

Արքայադստեր երկրպագուներն ուշադրություն են դարձրել հոսպիտալացման տարօրինակ հանգամանքներին։

Որոշվել է նրան դեղորայքային կոմայի մեջ մտցնել։ Նրա մոտ լուրջ բարդություններ են առաջացել, որոնք բժիշկները չէին սպասում։ Վիրահատությունը հաջող է անցել, իսկ ահա հետվիրահատական շրջանն արդեն այնքան էլ լավը չէ։

Ամենատարածված վարկածի համաձայն՝ արքայադստեր հիվանդությունը շատ ավելի ծանր է, քան պաշտոնապես հաստատված է: Նրա կողմնակիցների կարծիքով՝ Քեյթ Միդլթոնը գամված է անկողնուն կամ կոմայի մեջ է։

Այլ դավադրության տեսությունների հետևորդները կարծում են, որ ոչ մի հիվանդություն չի եղել, և Քեյթ Միդլթոնի անհետացումը բացատրվում է այլ բանով, օրինակ՝ վեճը կամ նույնիսկ արքայազն Ուիլյամի հետ ամուսնալուծությունը թաքցնելու ցանկությամբ:

Աղբյուր` Փաստինֆո