Փաստ ինֆո

Մենք չենք քննարկում վեկտոր փոխելու հարց, մենք քննարկում ենք, թե ինչ անենք, որ նվազեցնենք վտանգները, որոնք կարող են Հայաստանին սպառնալ։ Այս մասին այսօր ԱԺ-ում լրագրողների հետ զրույցում ասել է ԱԺ նախագահ Ալեն Սիմոնյանը։

«ՀԱՊԿ-ից դուրս գալու որոշում չկա, թեև որևէ մեկը դա չի բացառում, անգամ մեր հանրությունն է այդ մասին խոսում ու մշտապես պահանջ է մեզ ներկայացնում, անգամ լրագրողներն են հարց տալիս, ասում ենք ինչու դուրս չեք գալիս»,- նշել է օրենսդիրի ղեկավարը։

Հարցին՝ դա կարո՞ղ է հավելյալ խնդիրներ ստեղծել Ռուսաստանի հետ՝ Սիմոնյանը պատասխանեց. «Անկեղծ ասած, չգիտեմ՝ ինչ խնդիրներ պետք է ստեղծի, հարձակվի՞ մեզ վրա, սանկցիանե՞ր կիրառի, ի՞նչ պետք է անի: Մենք պաշտպանության կարիք ունեինք, բայց մեկ տասնյակից ավելի դրվագներով ակնհայտ դարձավ, որ մեր դաշնակիցը մեզ չի օգնում: Խոսքը թե Լեռնային Ղարաբաղի մասին է, թե Հայաստանի ինքնիշխան տարածքի։ Մենք այդքան ռեսուրս չունենք, որ մեր տարածքների ու մեր երեխաների հաշվին սպասենք՝ տեսնենք, թե մեր դաշնակիցը ՀԱՊԿ-ում, երբ է մեզ օգնելու, իսկ ո՞ւր են դաշնակցական պարտավորությունները, ինչու են գցում են իրենց վրայից պարտավորությունները»,- նշել է Ալեն Սիմոնյանը:

Աղբյուր` Փաստինֆո