Փաստ ինֆո

Երեկ տեղի ունեցավ Սահմանադրական դատարանի դատավորի ընտրության հարցի քվեարկությունը, որտեղ քաղաքական մեծամասնությունը, միջազգային ասպարեզին անհայտ նորարարության դրսևորման արատավոր լավագույն փորձով, բոյկոտեց այդ ընտրությունը: Սա նոնսենս է, քաղաքական անտրամաբանություն է, երբ որ իշխանությունը բոյկոտում է իր իսկ սահմանադրական պարտականության կատարումը՝ չտալով որևէ հիմնավորում, որևէ փաստարկ։ Այս մասին ԱԺ-ում հայտարարեց «Հայաստան» խմբակցության քարտուղար Արծվիկ Մինասյանը։

«Սա ուղերձ է։ Ուղերձ է նաև քաղաքացիներին, որով քաղաքական մեծամասնությունն ասում է՝ այն, ինչ իր սրտով չէ, այն անձը, որը իրենց թրի տակով չի անցել, կամ այն անձը, որը կփորձի ցուցաբերել որոշակի համարձակություն, օբյեկտիվություն առաջանորդվել օրենքի գերակայությամբ, սահմանադրությամբ, այդ անձը տեղ չունի պետական համակարգում, ավելին՝ սահմանադրական արդարադատության համակարգում։ Սա ուղերձ է այն մասին, որ եթե մենք ուզում ենք որևէ մեկին բերել, ուրեմն ամեն ինչ անելու ենք, որ բերենք»,- նշեց Մինասյանը՝ հիշեցնելով, որ այս մեծամասնությունն էր, որ Դավիթ Խաչատուրյանին ընտրում էր ԲԴԽ անդամ, հետո շատ կարճ ժամանակամիջոցում փոխեց նրա պաշտոնը, տեղափոխեց Վճռաբեկ դատարան, որ հիմա էլ բերի ու նշանակի ՍԴ դատավոր․ «Սա է երեկվա քաղաքական մեծամասնության, ըստ էության, բոյկոտի շարժառիթը»։

Մինասյանի խոսքով՝ քաղաքական մեծամասնությանն այս քայլն ուղղերձ էր նաև դատավորներին, Դատավորների ընդհանուր ժողովն ընտրել էր Դավիթ Բալայանին ու ներկայացրել նրա թեկնածությունը։ Նրա դիտարկմամբ՝ քաղաքական մեծամասնությունն արհամարհեց այս որոշումը, ասաց՝ ձեր այդ որոշումը կվերցնեք, կգնաք այլ տեղ։

« Ուղերձն ուղղելով նրանց՝ ասաց հետևայլը. եթե մենք չենք ցանկանում, ուրեմն դուք էլ չեք լինի։

Ըստ էության, սա է ասվել, ձեզ, հարգելի դատավորներ։ Եկել է ձեր արժանապատվությունը վերահաստատելու ու պահելու ժամանակը։ Իշխանության այս վարքագծին պետք է արձագանքել»,- նշեց նա։

Նրա խոսքով՝ իշխանությունը փորձում է հերթական արշավանքը կազմակերպել դատավորների նկատմամբ․ «Դուք պետք է որոշում կայացնեք՝ ենթարկվո՞ւմ եք իշխանության բռնաճնշումներին»։

Աղբյուր` Փաստինֆո