Փաստ ինֆո

Սերժ Սարգսյանի հայտարարության կոնտեքստից ու հարցուպատասխանից հասկացվում էր, որ խոսքը Լեռնային Ղարաբաղի խնդրի շուրջ առաջացող բարդությունների մասին է և շատ կարևոր է, որ հիմա հետահայաց Սերժ Սարգսյանն այդ մասին հայտարարում է։ Այս մասին ԱԺ-ում ասաց վարչապետ ՆԻկոլ Փաշինյանն՝ անդրադառնալով ՀՀ երրորդ նախագահ Սերժ Սարգսյանի՝ օրեր առաջ արած հայտարարությանը, թե վարչապետի պաշտոնում առաջադրվելիս ինքը փորձել է «վերահաս արհավիրքը հեռացնել Հայաստանից»։

«Այն ժամանակ, երբ ինքը կայացրել է որոշում վերստին առաջադրվել վարչապետի թեկնածու՝ ասում է, որ այդ պահին իմացել է վերահաս արհավիրքրի մասին, հետևաբար, սա մի հայտարարություն է, որը ոչ միայն վերահաստատում է 2018 թ-ին ԼՂ հարցի բանկացային գործընթացի մասին մեր գնահատականները, այլև ավելի ուժեղացնում է այդ գնահատականները, որովհետև եթե վարչապետ առաջադրվելու պահին Սերժ Սարգսյանը գիտեր մոտեցող արհավիրքի մասին, առնվազն դա զրոյացնում է իրենց այն հայտարարությունները, թե իրենք դիվանագիտական հաղթակների իրավիճակներում են եղել 2018 թ-ին, որովհետև դիվանագիտական հաղթանակների փուլում գտնվելը չի նշանակում երկիրը հասցրած լինել վերահաս արհավիրքի իրավիճակին։

Բա, եթե էդ արահավիրքը 2018 թ-ի հունվարին վերահաս էր, էդ ո՞ւմ գործողությունների և ում վարած բանակցություննհերի արդյունքում էր եկել էդ արհավիրքը կանգնել Հայաստանի դռան դեմը»։

Նա նաև ընդգծեց, որ կարևոր է , թե ինչու այդ արհավիրքի մասին ՀՀ ժողովուրդը չի տեղեկացվել։

«Եկեք տեսնենք, թե մինչև 2018 թ-ը վարված բանակցությունների մասին ինչ պետական ինստիտուցիոնալ տեղեկատվություն կար ՀՀ-ում, 4 էջ, լավ, եթե ոչ 4 էջ, ապա մի բարակ թղթապանակ էր։ Այսօր ես պատասխանատու ասում եմ, երբ հեռագայում հարց ծագի, թե մեր բանակցությունների ընթացքում ինչ է եղել, հանդիպումներ, մտքեր, առաջարկներ, ՀՀ որևէ իշխանություն խնդիր չի ունենալու հասկանալ, թե ով՝ ինչ է խոսել։

Բա, եթե արհավիրքը վերահաս էր, էդ մարդիկ 2018 թ-ի մայիսից սկսած ասում են տալիս են, տալիս են, տարած-տարան, բա հրապարակային չէի՞ն կարող, թող գրեին, տեղեկատվություն տային, ոչ թե անընդհատ փորձեին կառավարությանը մոլորության մեջ գցեին։

Ես 1-2 փորձ արել եմ նախկին իշխանության հետ հասկանալ, թե ինչ է տեղի ունենում, բայց երբ որպես վարչապետ շփվել եմ՝ հասկացել եմ, որ երբ Ազգային Ժողովի պատգմավոր էի՝ հարցեր էի տալիս, մարդիկ նույն կերպ էին պատասխանում՝ փորձելով վիրտուալ իրականություն ստեղծել»։
Կարո՞ղ է սիրուն չեմ ասում, բայց պիտի ասեմ։ Էդ ո՞նց է՝ Սերժ Սարգսյանը և իր թիմը պաշտոնանկությունից հետո կարող էին կենցաղային հարցերով անընդհատ կառավարությանը նամակ նամակի հետևից գրեր, բայց չէր կարող գրել՝ «Կառավարություն, վերահաս արհավիրքի առաջ եք…ես էլ առաջարկում եմ անել սա, շատ կարևոր և շատ օգտակոր հայտարարություն էր արել և ես ուզում եմ, որ ըստ արժանավույն գնահատենք այդ հայտարարությունը»,-ասաց Փաշինյանը։

Աղբյուր` Փաստինֆո