Փաստ ինֆո

Բրիտանացին 50 րոպե տևած սրտի կանգից հետո կյանքի վերադարձել ու ապշեցրել բժիշկներին։ Այս մասին գրել է The Sun-ը։

2023 թվականի հունիսին 31-ամյա Բեն Ուիլսոնը սրտի կաթված է ստացել, ինչը հանգեցրել է սրտի կանգի։ Երբ նա հանկարծակի ուշագնաց է եղել, նրա գործընկեր 27-ամյա Ռեբեկա Հոլմսը անմիջապես շտապ օգնություն է կանչել։ Աղջկա խոսքով՝ երբ բուժաշխատողները զննել են տղամարդուն, հիասթափեցնող կանխատեսումներ են տվել։ Չնայած դրան՝ 40 րոպե անց Ուիլսոնը կյանքի է վերադարձել։ Հետո նա էլի է սրտի կանգ ունեցել, ու բժիշկները նրան ստիպված են եղել մտցնել արհեստական կոմայի մեջ, որում նա անցկացրել է 5 շաբաթ:

Այդ ողջ ընթացքում աղջիկը անցկացրել է տղամարդու հետ՝ անընդհատ կրկնել է, որ սիրում է, երգել է նրա համար, իր օծանելիքն է ցողել բարձին։

Աղջկա խոսքով՝ ինքը գիտեր, որ իր սերն ու հպումը կօգնի տղամարդուն ապաքինվել, և ճիշտ էր։ 5 շաբաթվա կոմայից հետո Ուիլսոնն արթնացել է։ Ուշքի գալուց հետո առաջին բառը, որ նա արտաբերել է, եղել է աղջկա անունը։ Իհարկե, դրանից հետո նա ստիպված է եղել դեռ երկար վերականգնողական բուժում ստանալ։

Ուիլսոնը վստահ է, որ աղջկա սերն է օգնել իրեն ապրել։ Նա հայտարարել է, գործընկերուհին է իրեն ապրելու երկրորդ հնարավորություն տվել, ուստի որոշել է իր կյանքի մյուս մասն անցկացնել այդ աղջկա հետ՝ ծրագրելով հարսանիք։

«Ես չգիտեմ, թե ինչ կլիներ ինձ հետ, եթե նա հեռանար»,- ասել է վերակենդանացած բրիտանացին:

Աղբյուր` Փաստինֆո