Փաստ ինֆո

Միջնակարգ դպրոցի ուսուցչուհուն հեռացրել են աշխատանքից՝ 16-ամյա դպրոցականի հետ սեռական կապի համար: Այս մասին հայտնում է China Daily-ն։

Շանհայ քաղաքի քիմիայի ուսուցչուհի Չժան Յուեն դեռահասի հետ ամուսնուց գաղտնի հարաբերությունների մեջ է եղել։ Սակայն ամուսինը նրան բռնացրել է սիրավեպի մեջ այն բանից հետո, երբ հայտնաբերել է նամակագրություն աշակերտի հետ։ Նա համացանցում հրապարակել է նրանց հաղորդագրությունների սքրինշոթերը՝ հայտարարելով, որ կինը սեռական հարաբերություն է ունեցել անչափահաս դեռահասի հետ։

Նամակագրության մեջ Յուեն դպրոցականի հետ քննարկել է այն վայրերը, որտեղ նրանք կարող են գաղտնի հանդիպել, և առաջարկել է հյուրանոցային համար վարձել։ Բացի այդ, կինը դպրոցականին գրել է, որ «իրեն վերահսկելու է», քանի դեռ նա չափահաս չի դարձել, ինչպես նաև ասել է, որ հեռացնի հաղորդագրությունները իր հեռախոսից, որպեսզի ոչ ոք չիմանա իրենց հարաբերությունների մասին:

Երբ դպրոցի ղեկավարությանը հայտնի է դարձել ուսուցչուհու և դպրոցականի ոչ պատշաճ հարաբերությունների մասին, նրան անմիջապես հեռացրել են պաշտոնից։ Ինչպես նշում է իրավաբանական ընկերության աշխատակիցը, չինական օրենսդրությունն արգելում է սեռական հարաբերությունները միայն մինչև 14 տարեկան անչափահասների հետ: Այնուամենայնիվ, աշակերտների հետ ինտիմ կապը ուսուցչի մասնագիտական էթիկայի խախտում է: Իրավաբանը նշել է, որ Յուեի ամուսինը նույնպես իրավախախտում է կատարել՝ համացանցում հրապարակելով կնոջ նամակագրությունը դպրոցականի հետ։ Դրանով նա միջամտել է անձնական կյանքին և փչացրել կնոջ հեղինակությունը։

Աղբյուր` Փաստինֆո