Փաստ ինֆո

Նիկոլ Փաշինյանը վերջին շրջանում շարունակ ասում է, որ պատերազմի ռիսկը մեծ է։ Այս պնդումը բազմաթիվ հարցեր է առաջացնում հենց Նիկոլ Փաշինյանի վարած քաղաքականության վերաբերյալ։ Այս մասին ֆեյսբուքյան իր էջում գրել է ադրբեջանագետ Տաթևիկ Հայրապետյանը։

«Ժամանակին Արցախը ճանաչում էր Ադրբեջանի մաս, որ պատերազմը կանխեր ՀՀ-ի դեմ, չստացվեց, երբ Արցախում մեր հայրենակիցներին կոտորում էին, որոշեցին չմիջամտել ու Հայաստանը փրկել, չստացվեց, Հայաստանը Իրանին ու Վրաստանին կապող ուղիների ստրատեգիական հատվածները ճանաչեցին Ադրբեջանի մաս, որ իրենք էլ մեր տարածքային ամբողջականությունը ճանաչեն, չստացվեց, փաստացի այդ «խաղաղության» օրակարգը, որի հիմքում ընկած է ագրեսիան արդարացնելու սկզբունքը, բերել մեր երկիրը հասցրել է նոր պատերազմի։ Տեսնես ինչի՞, ինչ ուզում են, հանձնում է, ինչ չեն ուզում, դա էլ է հանձնում, Ալիևի սրտի ուզածով գնում է, բա ինչի՞ էլի պատերազմի շեմին ենք, չլինի մի բան այն չի անում․․․

Իսկ իրականում, տարրական տրամաբանությունը հուշում էր, որ ագրեսիան արդարացնողը, ռասիզմի հետ հաշտվողը, Ադրբեջանի պահանջները կատարողը միմիայն արագացնում է պատերազմը ՀՀ-ի դեմ։

Կա պատերազմը կանխելու ձև, ես դա հստակ տեսնում եմ, խոսել եմ բազմաթիվ գործընկերների հետ ու համոզվել, որ կա միջազգային գործընկերների հետ մեր շահերի շուրջ կոնսեսուսներ ստեղծելու շանս, դրա համար պետք է պայքարի ու դիմադրության ջիղ ցույց տալ, իսկ դրա փոխարեն ընտրվել է Ադրբեջանի պահանջների կատարման որոշումը, ինչն էլ մեր պետությունն ու մեր ապագան դրել է ականի վրա․․․»,- գրել է Հայրապետյանը։

Աղբյուր` Փաստինֆո