Փաստ ինֆո

Ամեն ինչն իր ժամանակին, այս մասին ԱԺ-ում լրագրողների հետ զրուցում ասաց ՔՊ-ական պատգամավոր Գուրգեն Մելքոնյանը՝ անդրադառնալով հարցին, թե արդյոք Հայաստանը դուրս է գալիս ՀԱՊԿ-ից։

Դիտարկմանը, թե Լուկաշենկոն կոչ է անում չշտապել, նա հայտարարեց, թե «Լուկաշենկոն ճորտի կարգավիճակով ապրում է, մենք չենք ուզում ճորտի կարգավիճակով ապրել, ուզում ենք անկախ երկիր դառնանք, ում հետ ուզենանք հանդիպենք, ում հետ ուզենանք՝ ռազմատեխնիկական պայմանագրեր կնքնենք»։

Հարցին, թե մինչև հիմա անկախ չէինք՝ քպական պատգամավորը բացասական պատասխան տվեց։ «Կախված էինք Ռուսաստանից։ Մենք Ռուսաստանի ճորտն էինք, Ռուսաստանն էր որոշում, որ երկրի հետ հանդիպենք, որ երկրի հետ չշփվենք, ով պետք է մեր մոտ նախարար նշանակվի, ով պետք է երկրի նախագահ լինի, ով դաբրո ուներ ՌԴ-ից՝ նա էլ նշանակվում էր։ Հիմա արդեն անկախ ենք»,- ասել է Մելքոնյանը։
Հարցին, թե 2018 թ-ից հետո քանի նախարար է ՌԴ-ի ցուցումով նշանակվել, նա պատասխանեց, որ օրինակ Արշակ Կարապետյանը ՌԴ-ի ցուցումով էր նշանակվել պաշտպանության նախարար։

Նա նաև ընդգծեց, որ հիմա մենք ունենք նոր դաշնակից։ «Դուք համոզվեցիք, որ իրենք մտադիր են բարեկամություն անել մեր հետ, զենքեր տրամադրել»։

Հարցին, թե արդյո՞ք Պուտինը մեր թշնամին է, նա նշեց, որ ինքը նման բան չի ասել։ «Թշնամի դու ասեցիր, ես ասել եմ, որ բարեկամ չի»։
Հարցին, որ Փաշինյանը խոսում է հավանական էսկալացիայի մասին, չունենալով ՌԴ-ի պես դաշնակից, Ֆրանսիայից քիչ քանակի զենքեր մատակարարելով, ինչպես ենք դիմակայելու՝ Մելքոնյանը պատասխանեց. «Այսինքն, մի 5-6 ամիս առաջ ՌԴ-ն մեր անվտանգությունն ապահովո՞ւմ էր, հիմա էլ չի՞ ապահովելու։ 2020 թ-ից հետո ՌԴ-ն մեր անվտանգության երաշխավորը չի եղել։2020 թ-ի նոյեմբերի 9-ին ամբողջ աշխարհի առաջ ՌԴ-ն ասեց, որ ինքն է Արցախի ժողովրդ երաշխավորը, ինքն է պատասխան տալիս, ու մենք տեսանք, թե այդ հարցն ինչպես լուծվեց, Ղարաբաղը հայաթափվեց։ Հիմա հույսը դրեք Ձեր վրա և պատրաստ եղեք։ Եթե պատերազմ էլ լինի՝ մենք ենք կռվելու մեր երկրի, մեր տարածքների համար»։

Աղբյուր` Փաստինֆո