Փաստ ինֆո

Կառավարությունն այսօրվա նիստում հավանություն տվեց Կառավարության ծրագրի 2023թ․ կատարման ընթացքի և արդյունքների մասին զեկույցի նախագիծը։ Համաձայն օրենսդրության՝ այն յուրաքանչյուր տարի մինչև մարտի 1-ը ներկայացվում է Գործադիրի դատին, հետո ուղարկվում ԱԺ՝ հաստատման։

Նախագծի քննարկման ժամանակ, անդրադառնալով տնտեսական աճին, վարչապետը նշեց, որ 2023թ․ հաջողվել է արձանագրել 8,7 տոկոս աճ, իսկ 2022-ին 12,6 տոկոս էր։

Անցում կատարելով հարկային օենսդրությամբ ամրագրված կետին, որով վարձակալությամբ բնակարան տվող քաղաքացիները պետք է նույնպես հարկ վճարեն՝ Փաշինյանը Արդարադատության նախարարից հետաքրքրվեց վիճակագրական տվյալների մասով։
«Ներկա դրությամբ 15 592 քաղաքացի ներկայացրել են շուրջ 21 հազար հայտարարագիր․ այսինքն մեկ անձը կարող է մեկից ավել տներ ունենալ վարձակալությամբ տված։ Երբ ահմեմատել ենք անցած տարի հայտարարագիր ներկայացրածների հետ՝ 92 տոկոսի դեպքում չեն համընկել տվյալները, բայց ստվերից դուրս եկած շուրջ 21 վարձակալություններ կան»,-ասաց Արդարադատության նախարար Ռուստան Բադասյանը։

Փաշինյանը նաև հետաքրքրվեց, թե ինչու է արտագնա աշխատանքի մեկնողներին հարկելու որոշումը դժգոհությունների ալիք բարձրացրել, եթե այդ կարգավորումը վաղուց կա, ուղղակի չէր գործում, թղթի վրա էր։

«ՀՀ-ից արտագնա աշխատանքից մեկնողները երբ վերադառնում են ՀՀ, պիտի նկատեն, որ իրենց մարզի ավտոմոբիլային ճանապարհները նույն վիճակում չեն, ինչպես կային առաջ։ Արտագնա աշխատանքի մեկնող մեր հայրենակիցները հաշվե՞լ են, թե էդ ճանապարհների կառուցման արդյունքում իրենք, օրինակ, ինչքան գումար են տալիս ավտոտեխսպասարկման համար։ Որպեսզի ճանապարհը կառուցվի այն մարդկանց համար, ովքեր գնում հասնում են օդանավակայան ու այնտեղից մեկնում արտագնա աշխատանքի, ինչո՞ւ պիտի մեր հաշվին կառուցված ճանապարհով երթևեկեն։ Մենք չենք ուզում, որ նրանք մեր հաշվին կառուցված ճանապարհով երթևեկեն։ Թող գնան իրենց համար առանձին ճանապարհ կառուցեն ու երթևեկեն, որ մերը չմաշվի»,-ասաց Փաշինյանն ու ավելացրեց՝ նրանց ընտանիքի անդամներն օգտվում են այդ ամենից։

Նախարարն էլ նկատեց՝ ՀՀ ռեզիդենտը թե ՀՀ-ում, թե արտասահմանում եկամտային հարկ պիտի վճարի։

«2020թ․ ԱՊՀ շրջանակում միացել ենք համաձայնագրի, որով հարկային մարմինները կփոխանակեն էլեկտրոնաին տեղեկություններ միմյանց քաղաքացիների ստացած եկամուտների ու վճարված մասին։ Այս փուլում, եթե ստանում ենք տեղեկատվություն օտար երկրում ստացած եկամտի ու վճարված եկամտային հարկի մասին, ապա տարբերությունը որոշակի ժամանակով կարող ենք ՀՀ-ում չհարկել՝ արձագանքելով դժգոհությունների օբյեկտիվ հատվածին»։

Վարչապետը համաձայնեց սկզբնական փուլում տարբերությունը չհարկելու առաջարկի հետ, բայց շեշտեց, որ բոլորը պետք է հաշվի նստեմ հարկ վճարելու անհրաժեշտության հետ։

Այդ նույն տրամաբանությամբ շոու բիզնեսի ներկայացուցիչները պետք է հարկ վճարեն․ որտեղի՞ց եք մեկնել Լոս-Անջելես․ ՀՀ հակատուների կառուցած ճանապարհներով։ Էս ի՞նչ վերաբերմունք է ընդհանրապես»,-բորբոքվեց վարչապետը։

Աղբյուր` Փաստինֆո