Փաստ ինֆո

20 հոգով քաղաքում դիմակավորված ձերբակալում են անձի, ով կապ ունի Արցախի ղեկավարի հետ, ձերբակալել են Արցախի նախագահին սպպասարկող մեքենայի միջից, դա հարցեր է առաջացնում։ Այսօր նման հայտարարությամբ է հանդես եկել Արցախի Հանրապետության նախագահ Սամվել Շահրամանյանը։

Նշենք, որ նախագահն այսօր ներկայացել էր հակակոռուպցիոն կոմիտե՝ իր իսկ կողմից ներկայացված հաղորդման գործով։
«Ըստ Հակակոռուպցիոն կոմիտեի ծանուցագրի, որը ստացել եմ փետրվարի 20-ին, իրենք ստացել են 2023 թ-ի նոյեմբերի սկզբին ՀՀ գլխավոր դատախազին ուղղված իմ գրությունը, որի մեջ ես խնդրել եմ սոցիալական ցանցերում տարածված տեղեկություններ, ըստ որի Արցախի Հանրապետության որոշ պաշտոնյաների կողմից դրսևորել են խախտումներ, հիմնականում ֆինանսական ոլորտում, ընդունել որպես հայտարարություն՝ հանցագործության մասին և ձեռնարկել համապատասխան քայլեր։ Այդ քայլերի ուսումնասիրության արդյունքում հարուցվել է համապատասխան վարույթ և այդ շրջանակներում ինձ հրավիրել են որպես վկա հարցաքննելու։ Հակակոռուպցիոն կոմիտեում հարցաքննությունից հետո ասաց Արցախի Հանրապետության նախագահ Սամվել Շահրամանյանը։

Անդրադառնալով իր անվտանգության աշխատակից Աշոտ Դանիելյանի հետ կապված գործին՝ Շահրամանյանը խնդրեց ուժային մարմինենրի ղեկավարներին կարճ ժամանակում լուծել Դանիելյանին ազատ արձակելու հարցը։ «Այդ հարցը շինծու է։ Մենք բոլորս ականատես ենք եղել դրան, մեծ հարցեր է առաջացնում այդ ձերբակալության օրինականությունը։ 20 հոգով քաղաքում դիմակավորված ձերբակալում են անձի, ով կապ ունի Արցախի ղեկավարի հետ, ձերբակալել են Արցախի նախագահին սպպասարկող մեքենայի միջից, դա հարցեր է առաջացնում։

Կարծում եմ, առաջիկայում այդ հարցերի պատասխանները կստանան։

Առհասարակ, հիմա փորձում են կափարիչ դնել այն ամենի վրա, ինչ կապված է Արցախի հետ, ու փակել այդ հարցը, բայց կարծում եմ, պետք չի գնալ այդ ճանապարհով, պետք է գտնել լուծումներ Արցախի ու արցախցիների խնդրի լուծման համար։ Իմ կարծիքով, քանի դեռ այդ հարցերը չեն ստացել արդարացի լուծում՝ մենք ունենալու ենք բաց վերք, որն անընդհատ արյունահոսելու է»,- նշել է Արցախի նախագահը։

Աղբյուր` Փաստինֆո