Փաստ ինֆո

Մոսկվայում ձերբակալվել է հայտնի ադրբեջանցի ֆիթնես մարզիչ Քամիլ Զեյնալլին, հաղորդում են ադրբեջանական լրատվամիջոցները։

Ինչպես նշում է eadaily.com-ը, Զեյնալլին «Ինստագրամ»-ի իր էջում տեսանյութ է հրապարակել, որտեղ պատմում է, որ Բաքու մեկնելիս Մոսկվայի «Դոմոդեդովո» օդանավակայանում իրեն ոստիկանները բերման են ենթարկել ու տարել ոստիկանական բաժանմունք։

«Ասացին, որ Հայաստանն ինձ միջազգային հետախուզման մեջ է մտցրել»,- պատմել է Քամիլ Զեյնալլին՝ նշելով, որ վաղը ներկայանալու է ռուսական դատարան։ Զեյնալլիի խոսքով, ոստիկանությունն ասել է, որ նրան կարող են հանձնել Հայաստանին։ Նա օգնության համար դիմել է Ադրբեջանի պետական կառույցներին։

Ինչպես գրում են տելեգրամյան ալիքները, Զեյնալլին ադրբեջանցի ռազմական հանցագործ է, ով վայրագություններ է կատարել Արցախում՝ նա Արցախում գլխատել է անպաշտպան ծերունու։

Բացի այդ, ինչպես հայտնում է Infotek-ը, Զեյնալլին ուշադրության կենտրոնում էր հայտնվել դեռևս արցախյան 44-օրյա պատերազմից առաջ։ Տավուշում հուլիսյան դեպքերից հետո, որի ժամանակ հայկական բանակը դաս տվեց ադրբեջանցի ագրեսորներին, Մոսկվայում սկսվեցին զանգվածային հալածանքներն ու հարձակումները հայերի վրա տեղի ադրբեջանական ավազակախմբերի կողմից։ Պարզվեց, հենց նույն Զեյնալլին էր վերահսկում նրանց գործողությունները։ Ավելին, նա հաստատել էր, որ Իլհամ Ալիևն է կանաչ լույս վառել իր գործողությունների համար։

Աղբյուր` Փաստինֆո