Փաստ ինֆո

Ես 44-օրյա պատերազմի մասնակից տղա եմ, առաջին օրվանից մինչեւ վերջին օրը պատերազմում եմ եղել, հաշմանդամ եմ, Մարտունու հիվանդանոցից ուղարկել են հոսպիտալ, որտեղ բուժումս մնաց կիսատ, որովհետև փողս չհերիքեց։ Հիմա պիտի գնամ ՌԴ, բերեմ Նիկոլին հարկ տամ, որ Նիկոլը իրա նաֆարով, պետական սամալյոտով գնա Դուբայ։ Ոչ տեղ ունեմ, ոչ տուն ունեմ։ էսքան մարդ Ռուսաստանի շնորհիվ է ապրում։

Մարտունիում բողոքի ակցիայի ժամանակ ասաց ակցիայի մասնակիցներից մեկը։

Արտագնա աշխատանքի մեկնած քաղաքացիներին հարկելու դեմ կազմակերպված ակցիայի մեկ այլ մասնակից էլ ասաց, որ բոլորին հավասար հարկում են բայց ամեն մեկի մոտ տարբեր իրավիճակներ են լինում, մեկը մեկնում է աշխատելու՝ ոտքն է վնասվում շուտ է գալիս կամ էստեղ հաշմանդամ ունի։ Իրենք հաշվի չեն առնում, որ այդ ընտանիքից 44-օրյայի ժամանակ հաշմանդամ դարձած մարդ կա։

«Իրենք նաև չեն պատասխանում այն հարցին, եթե ես աշխատում եմ, գումար եմ ուղարկում իմ ծնողին, իրենք չեն ասում ո՞նց են հարկելու։ Հարկայինում ասում են՝ բողոք ունեք՝ գնացեք վերև»։

Մեկ այլ մասնակից էլ ասաց, որ 30 տարի խոպան է գնացել։ «44-օրյային գնացի պատերազմ, մի ամիս հետո կաստիլներով վերադարձա, հետո 2 ամիս գնացել եմ ՌԴ, էդ 2 ամսվա համար 480 000 դրամ պիտի տանեմ, ՊԵԿ գումար մուծեմ, կըրնաք՝ բացատրել, թե ինչի՞ համար։ Ձեր պարոն «փռչոտ վարչապետը» կարա բացատրի, ինչի պիտի 480 000 մուծեմ 2 ամսվա համար»,- բողոքել է արտագնա աշխատանքի մեկնող քաղաքացին։

Աղբյուր` Փաստինֆո