Փաստ ինֆո

Սպառազինությունը, որն Ադրբեջանը ձեռք է բերում, դա ընդհանուր առմամբ տարածաշրջանը կայունացնելու համար չէ և այս հարցը մենք բազմաթիվ անգամ քննարկել ենք: Այս մասին լրագրողների հետ զրույցում ասաց ՀՀ անվտանգության խորհրդի քարտուղար Արմեն Գրիգորյանը:

«Մենք առաջարկել ենք, որպեսզի սպառազինության վերահսկման մեխանիզմներ էլ ունենանք, որովհետեւ կարծում ենք, որ այդ վերահսկումը կարող է տարածաշրջանում կայունության և երկարատև խաղաղության հաստատման գործընթաց լինել: Մենք շարժվում ենք այս օրակարգով»:

Անդրադառնալով զորքերը հայելային հետ քաշելու առաջարկին՝ նա նշեց, որ այն օրվանից, երբ հայկական կողմը հրապարակային և ոչ հրապարակային կատարել է նման առաջարկ, դա միշտ եղել է մեր օրակարգում։ «Մենք այդ հարցը պահում ենք մեր օրակարգում, փորձելու ենք հասնել այդ հարցում համաձայնության Ադրբեջանի հետ, որովհետև դա մի հարց է, որտեղ անհրաժեշտ է, որ կողմերը համաձայնության գան։ Կշարունակենք քննարկել՝ տեսնենք ինչ լուծումներ ենք գտնում։

Բայց մենք համոզված ենք, որ զորքերի հայելային հետ քաշումը անգամ միջադեպեր թույլ չտալու լավագույն գործիքներից մեկն է, այսինքն, որոշակի կիլոմետր հեռավորության վրա, եթե դասավորվեն զինված ուժերը և սահմանապահ զորքերը, բնականաբար, դա կայության գործոն կլինի»։

Աղբյուր` Փաստինֆո