Փաստ ինֆո

ՊԵԿ նախկին նախագահ Գագիկ Խաչատրյանի որդու՝ Արտյոմ Խաչատրյանի, եղբորորդու՝ Արամ Սուրենի Խաչատրյանի, «Մուլտի Գրուպ Կոնցեռն» ՍՊԸ տնօրեն Սեդրակ Առուստամյանի, բանկերից մեկի վարորդ Աշոտ Պապիկյանի վերաբերյալ գործով արտավարութային փաստաթղթերը դեռևս չեն տրամադրվի պաշտպանության կողմին։

Հիշեցնենք, որ գործը վերաբերում է փողերի լվացմանը, պաշտոնեական լիազրությունների չարաշահմամբ առանձնապես խոշոր չափերի գույքի յուրացմանն օժանդակելուն։

«Փաստինֆո»-ի թղթակցի հաղորդմամբ՝ Հակակոռուպցիոն դատարանում՝ դատավոր Տիգրան Դավթյանի նախագահությամբ, այսօրվա նիստում՝ նախնական դատալսումների ընթացքում, ըստ օրենքով սահմանված հաջորդականության, քննարկման առարկա պետք է դարձվեր մեղադրյալների նկատմամբ քրեական հետապնդումը դադարեցնելու հարցը, սակայն, ինչպես պարզվեց՝ նախաքննության ավարտից հետո ոչ միայն պատշաճ բավարար ժամանակ չի տրամադրվել պաշտպանության կողմին՝ 57 հատոր գործի նյութերին ծանոթանալու համար, այլև՝ պաշտպանության կողմը տեղեկացված չի եղել արտավարութային փաստաթղթերի մասին։ Մասնավորապես, Արտյոմ Խաչատրյանի պաշտպան Երեմ Սարգսյանը հայտնեց, որ պատրաստվում է քրեական հետապնդումը դադարեցնելու մասին միջնորդություն ներկայացնի․անհրաժեշտ է գործով հետազոտման ենթակա բոլոր ապացույցներին ծանոթանալ, ուստի, միջնորդություն ներկայացրեց՝ խնդրելով իրեն տրամադրել նաև արտավարութային փաստաթղթերը, որոնք պետք է հետազոտվեն գործով, սակայն գործի նյութերին կից իրենց չի տրամադրվել։ Հանրային մեղադրողն առարկեց միջնորդության դեմ՝ նշելով, որ կողմին տրամադրվել է զննությունների արձանագրություններ։
Դատարանը որոշեց, որ հետապնդումը դադարեցնելու միջնորդությունը կարող է ներկայացվել՝ այս փուլում քննարկման ենթակա ապացույցների շրջանակներում, իսկ արտավարութային փաստաթղթերը տրամադրելու հարցը կարող է քննարկվել համապատասխան փուլում։ Այս պայմանով կողմը միջնորդություն չներկայացրեց։ Դատական նիստի ավարտից հետո լրագրողների հետ զրույցում պաշտպան Երեմ Սարգսյանը հիշեցրեց Խաչատրյանին առաջադրված մեղադրանքը՝ նշելով, որ դա ապօրինի է։ Ի թիվս այլ փաստարկների՝ Սարգսյանը նաև հիշեցրեց, որ կաշառքի մասով ի սկզբանե՝ 2018թ ստուգումներ են իրականացրել, 2020թ հիշել, որ այդտեղ իբրև կաշառք կա, բայց մինչ այդ՝ դեռ 2016թ․ այդ հանգամանքների վերաբերյալ քննություն է իրականացվել, քրեական գործի հարուցումը մերժվել էր և այդ որոշման առկայության դեպքում չէին կարող նույն հանգամանքներով մեղադրանք առաջադրել, հետո հիշել, որ ապօրինություն են անում, վերացնել։ Փաստաբանը նշում է՝ մեղադրանքն ապօրինի է։ Երեմ Սարգսյանը Խաչատրյանների նկատմամբ հետապնդումը նաև կապում է «Յուքոմ» ընկերությամբ գործարքի չգնալու հետ, քանի որ հենց Գուրգեն Խաչատրյանի հայտարարության նույն օրը հետախուզում է հայտարարվում։

Մանրամասները՝ տեսանյութում

Հեղինակ՝ Իզաբել Սահակյան

Աղբյուր` Փաստինֆո