Փաստ ինֆո

Բրիտանուհին ամուսնուն կասկածել է դավաճանության մեջ եւ անձնական մարզչի հետ սիրավեպ սկսել։ Այս մասին գրում է Yahoo News-ը։

Ուորիքշիրից 54-ամյա Ֆիոնա Հարփերն ավելի քան 10 տարի ամուսնացած է եղել և չորս երեխա էր մեծացնում։ Չնայած նա հետևում էր իր արտաքինին և սպորտով էր զբաղվում, բայց ժամանակի ընթացքում ամուսինը սառել էր նրա հանդեպ: Հարփերը սկսել էր նկատել, որ նա հեռվացել է, սկսել է աշխատանքից հետո հաճախ ուշանալ և մանրուքների պատճառով հարձակվել իր վրա։ Նրանց ինտիմ կյանքը գրեթե անհետացել էր, իսկ երբ ամուսինն, այնուամենայնիվ, սեքս էր նախաձեռնում, դրանում ջերմություն կամ կիրք չէր լինում։ Նա նաև հաճախ հիշատակում էր Նատալի անունով գործընկերուհուն, և բրիտանուհին կասկածել է, որ ամուսինը սիրավեպ ունի իր հետ։

Մոտավորապես այդ ժամանակահատվածում Հարփերը սկսել է մարզվել Ռիկ անունով անձնական մարզչի հետ, ով իրենից 12 տարով փոքր էր։ Սկզբում նրանց հարաբերությունները զուտ պրոֆեսիոնալ էին, բայց ժամանակի ընթացքում նրանց միջև սեռական լարվածությունը սկսեց աճել: Մի քանի ամիս դասերից հետո Ռիկը համբուրել է Հարփերին, և նրանք սեռական հարաբերություն են ունեցել։ Հարփերն իրեն շատ մեղավոր էր զգում և դադարեցրել էր մարզումները, բայց հետո ընկերուհին պատմել էր նրան, որ տեսել է ամուսնուն ռեստորանում Նատալիի հետ համբուրվելիս: Դրանից հետո կինը որոշել է իրեն չզսպել և Ռիկին նորից տուն է կանչել: Այդ ժամանակից ի վեր նրանք սեռական հարաբերություն են ունեցել յուրաքանչյուր մարզումից հետո, Ռիկը անընդհատ հաճոյախոսություններ էր անում Հարփերին և հիանում նրանով: Չնայած այդ հանդիպումները չեն վերաճել ավելի լուրջ հարաբերությունների, բրիտանուհին չի փոշմանել մարզչի հետ սիրավեպի համար:

Մի քանի ամիս անց Հարփերն իր մեջ ուժ է գտել խոսելու ամուսնու հետ։ Նա անմիջապես խոստովանել է, որ արդեն մեկ տարի է, ինչ դավաճանել է իրեն Նատալիի հետ, և որ այլ կանայք էլ է ունեցել: Շուտով տղամարդը մոտակայքում տուն է գտել ու հեռացել ընտանիքից։ Միևնույն ժամանակ դադարել են Հարփերի հանդիպումները Ռիկի հետ։ Սակայն, կնոջ կարծիքով, հենց մարզչի հետ սիրավեպն է նրան տվել ինքնավստահություն և սեփական գրավչության զգացում, ինչը թույլ է տվել լուծել ամուսնու հետ կապված իրավիճակը:

Աղբյուր` Փաստինֆո