Փաստ ինֆո

Արդեն 6 տարի կառավարում եք, պաշտոնավարման սկզբում ասացիք, որ բանակցությունները սկսում եք ձեր սեփական կետից, որ «ինչ պետք է՝ այն էլ բանակցում եք, ասացիք՝ «Արցախը՝ Հայաստան է և վերջ», արդյունքում ունենք տարածքային ու մարդկային կորուստներ, նոյեմբերի 9-ի խայտառակ պարտություն, պարտված երկրի պարտված վարչապետ, կորցված հայրենիք։ Այս մասին Մյունխենի և հարակից շրջանների հայ համայնքի ներկայացուցիչների հետ հանդիպմանն ասաց Գերմանահայոց կենտրոնական խորհրդի վարչության անդամ Սամվել Լուլուկյանը։

Նա նաև նշեց, որ նոր ընտրությունների խաղաղության օրակարգով, բայց ընտրվելուց հետո ճանաչեց Արցախը Ադրբեջանի մաս, արդյունքում, ստացանք Արցախի շրջափակում Արցախի վերջնական հայաթափում և համազգային աղետ։

«Հիմա ունեք ոչ լեգիտիմ իշխանություն, երկրորդ հանրապետության կորստից հետո ոչ լեգիտիմ վարչապետ, ռազմական նոր էսկալացիա, կոռուպցիոն սկանդալ: Պարոն Փաշինյան, այս բոլոր ձախողումները տեղի են ունեցել ձեր կառավարման օրոք։ Վստահ եմ, որ Դուք տարբեր պատճառաբանություններ կբերեք, բայց փաստը մնում է փաստ, ընդհանրապես Դուք անընդհատ պատճառաբանություններ եք բերում: Բայց դուք ընտրվել եք, ոչ թե պատճառաբանություններ բերելու այլ լուծումներ առաջարկելու ՀՀ և հայ ժողովրդի անվտանգությունն ապահովելու համար։ Նախկինում ես ասում էի, որ ձեզ մոտ ինչ-որ մի բան չի ստացվում, հիմա պնդում եմ՝ Ձեզ մոտ ոչինչ չի ստացվում:
Արդյո՞ք հիմա ունեք այդ համարձակությունը, պատասխանատվություն վերցնել Ձեզ վրա, ինչպես որ նշել էիք Դուք՝ Դուք եք թիվ մեկ պատասխանատուն, և հեռանաք։ Հեռանալ նկատի չունեմ հրաժարականը, հեռանալ նկատի ունեմ ընդհանրապես քաղաքական դաշտից հեռանալը, քանզի այժմ Հայաստանն է զոհասեղանին դրված: »,-ասաց Լուլուկյանը։
Ի պատասխան Նիկոլ Փաշինյանը նշեց, որ շատ քաղաքական ուժեր կան, որ իրենից պահանջում են, որ հեռանան, սակայն իրենք մանդատ են ստացել ժողովրդից:

«Բայց մենք դա չենք կարող անել պարզ պատճառով, որովհետև մենք ժողովրդից ստացել ենք իշխանություն, մանդատ և եթե մենք ուղղակի հեռանանք, ո՞ւմ ենք թողնելու այդ մանդատը»,-ասաց վարչապետը և հիօշեցնելով, որ իրենք ստացած մանդատը վերադարձրել են երկու անգամ և կրկին ստացել։

Փաշինյանը նշեց, որ այժմ իրենց խնդիրն է կենտրոնանալ պետություն ունենալու վրա և ոչ թե կորսված հայրենիքի անդադար տեսլականի հետևից գնալու, քանի որ դա հայրենիք կորցնելու հայեցակարգ է։ «Իսկ մենք հայրենիք ասելով պետք է նկատի ունենանք պետություն, մենք այսօր ունենք պետություն և մեր պետությունը այսօր օր օրի սկսում է վարել ավելի անկախ քաղաքականություն»։
Նա ընդգծեց, որ կորսված հայրենիքի տեսլականն առաջ է մղվում հենց նրա համար, որ մենք երբեք պետություն չունենանք։
«Այս ամենը ինչի՞ համար եմ ես ասում ր անում, նրա համա՞ր է, որ դավաճա՞ն եմ, նրա համար է, որ օտարերկյա գործակալ եմ, ով երազում է, որ էլ հող տա որևէ մեկին։ Իհարկե, կարող են տենց մտածեն, բայց ես սա անում եմ մի բանի պատճառով, որ հասկանում եմ, որ եթե մենք այն ճանապարհը, որի մի մասը ես եմ վերցրել, եթե այսպես շարունակենք, այ էդ ժամանակ կկորցնենք հայրենիքը»,-ասաց Փաշինյանը։
Լուլուկյանը նկատեց, որ Փաշինյանը մանդատ չի ստացել Արցախը Ադրբեջանի կազմում ճանաչելու համար, նրան դրա համար չեն ընտրել. «Եթե դուք գնայիք ընտրությունների և ասեիք, որ Արցախը ճանաչելու եք Ադրբեջանի կազմում, քանի՞ մարդ ձեզ կընտրեր»:
Փաշինյանը խոստովանեց, որ դիտարկման առաջին մասի հետ համաձայն է, ապա շարունակեց՝ «այն ինչ մենք ընկալել ենք ինքնորոշման իրավունք՝ դա իրականում այլ իմաստ է ունեցել, որովհետև Լիսաբորի գագաթնաժողովում տրվել է ինքնորոշում եզրույթի մեկնաբանությունը։ «Լիսաբորի գագաթնաժողովի նախագահողը արձանագրել է որ ԼՂ խնդիրը պետք է լուծվի ԼՂ հայերի ինքնորոշման իրավունքի իրացմամբ՝ Ադրբեջանի կազմում՝ բարձր ինքնավարությամբ։ Այսինքն, այդ դիրքորոշումը կիսում էր ամբողջ աշխարհը- բացի Հայաստանից, ով վետոր էր դրել այդ որոշմանը»։

Մանրամասները՝ տեսանյութում։

Աղբյուր` Փաստինֆո