Փաստ ինֆո

Ներքին Հանդի դեպքերից 24 ժամ առաջ Նիկոլ Փաշինյանն ասաց, որ իրենք պայմանավորվածություն ունեն ձեռնպահ մնալ ուժի սպառնալիքի կիրառումից, ու դրանից հետո՝ ադրբեջանցիները, որոնք օկուպացրել են ՀՀ տարածքի մի մասը ու տեղակայվել այնտեղ, 4 հայ կամավորականի են սպասում։ Այս մասին ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը՝ ընդգծելով, որ այն ուղղությունը, այն քաղաքականույթյունը, որ որդեգրել է Փաշինյանը՝ չի բերի խաղաղության։

«Հակառակը, եթե ինքն ասում է, որ միջավայրը ագրեսիվ է ու մենք այդ ագրեսիվ աշխարհում պետք է միակողմանի զիջումների գնանք՝ այս ագրեսիվ միջավայրը իրեն կխժռի ու մենք կվերանանք։ Հատկապես նման ագրեսիվ պայմաններում պիտի ապահովես քո տարածքային ամբողջականությունը, քո ինքնիշխանությունը, դա կարող է լինել մարտունակ բանակի, ուժեղ դիվանագիտության և մրցունակ տնտեսության շնորհիվ»,- նշել է պատգամավորը։

Նրա դիտարկմամբ՝ Փաշինյանը դեռ փորձում է ցույց տալ, թե իր խաղաղության օրակարգը կենսունակ է, բայց այս իրավիճակում, եթե նա չփոխի իր բանակցային քաղաքականությունը և ընդհանրապես պետական քաղաքականության փիլիսոփայությունը՝ որևէ լավ բանի չի հասնի։

Պատգամավորը նաև ընդգծեց, որ կառավարության վերջին նիստում Փաշինյանը պարզ շանտաժի ենթարկեց ժողովրդին; Ասում է, եթե հանկարծ կռվեմ՝ 4-ի փոխարեն ավելի շատ զոհեր կլինեին, սա շատ պարզ շանտաժ է սպառնակիք է, ժողովրդի ոգին կոտրելու քաղաքականության դրսևորումներից մեկը»,- հայտարարել է ընդդիմադիր պատգամավորը։

Աղբյուր` Փաստինֆո