Փաստ ինֆո

Երեխաների ներկայությամբ ծնողների միջև զգացմունքներ արտահայտելու թեման բազմաթիվ հակասությունների տեղիք է տալիս։ Ինչ կարելի է անել երեխայի ներկայությամբ ու ինչը թողնել փակ դռների հետևում՝ կօգնեն հասկանալ մասնագետները:

Երբ ծնողները ցույց են տալիս, թե որքան են սիրում միմյանց, դա միայն օգուտ է բերում երեխաներին՝ կարծում է ընտանեկան հոգեբան Օլգա Ռոմանիվը:

Ըստ մասնագետի՝ ծնողների միջև քնքշության ու սիրո դրսևորումը երեխայի մոտ ապահովության զգացում է ստեղծում։

Ուսումնասիրությունները ցույց են տվել, որ ծնեղների վեճերի ժամանակ շատ երեխաների առողջական վիճակը կտրուկ վատացել է, այդ թվում՝ ասթմայի նոպաները կամ ալերգիկ ռեակցիաները: Իսկ այն դեպքերում, երբ մեծահասակները սեր են դրսևորում միմյանց հանդեպ, երեխաները իրենց հանգիստ են զգում, և նրանց ինքնազգացողությունը բարելավվում է:

Այնուամենայնիվ, ինտիմ ոլորտը, որը ներառում է կրքոտ համբույրներ շուրթերին, չպետք է նրանց տեսադաշտում լինի։

Սեքսապաթոլոգ Քսենիա Սոլոմատինան նշում է, որ եթե երեխան մեծանում է մի ընտանիքում, որտեղ մայրիկի և հայրիկի միջև զգացմունքների արտահայտումն արգելված է, ապա երբ նա չափահաս դառնա, նա, ամենայն հավանականությամբ, բացահայտորեն չի ցուցադրի նաև իր զգացմունքները զուգընկերոջ նկատմամբ։ «Սառը ընտանիքում» մեծացած երեխան հետագայում զգացմունքների արտահայտման մեջ կաշկանդված կլինի, ինչը անհարմարություններ կառաջացնի անձնական կյանքում: Այնպես որ, ծնողների կողմից սիրո ու քնքշության արտահայտումը կարևոր է:

Ըստ մասնագետի, ծնողների միջև ջերմ համբույրները՝ նույնիսկ կարճատև համբույրը շուրթերին, երեխայի ներկայությամբ ցանկալի են: Մինչդեռ որոշակի սեռականություն պարունակող ֆրանսիական համբույրները չափազանց ինտիմ են ու խորհուրդ է տրվում դրանք թողնել փակ դռների հետևում:

Եթե ծնողները երկար ժամանակ դուրս գան իրենց երեխայի համար «ընդունելի» սահմաններից, ապա ապագայում երեխայի մոտ սեռական խանգարումների զարգացման վտանգ կա՝ նշում է սեքսապաթոլոգը:

Աղբյուր` Փաստինֆո