Փաստ ինֆո

Տանզանիայից 80-ամյա կինը սիրային հարաբերություններ է սկսել իրենից 56 տարով փոքր տաքսու վարորդի հետ։ Այս մասին հայտնում է Daily Mirror-ը։

24-ամյա Ջորջը և 80-ամյա այրի Քեթրին Թոմասը միմյանց հանդիպել են Դար էս Սալաամում, երբ կինը նստել է նրա մոտոցիկլետ-տաքսին: Այդ օրը Թոմասը երեք օրով հեռանում էր քաղաքից և մոռացավ իր պայուսակը, որտեղ վեց միլիոն տանզանական շիլլինգ էր: Հաջորդ օրը տաքսու վարորդը վերադարձել է Թոմասի տուն, սակայն նրան չի գտել։ «Երբ վերադարձա, նա բերեց իմ գումարը, ինչով էլ շահեց իմ սիրտը։ Ինձ պետք էր, որ ինձ սիրեն»,- ասել է Թոմասը:

Մոռացված գումարը ստանալով՝ կինն այնքան է ոգևորվել, որ առաջինն ինքն է քայլ արել՝ խնդրելով Ջորջին հանդիպել իր հետ։

«Դրա մասին մտածելու համար որոշ ժամանակ պահանջվեց, բայց ես ասացի՝ այո: Քննադատները զարմանում են, թե ինչու եմ ես սիրում տատիկիս հասակակից մեկին, բայց դա ինձ չի հետաքրքրում», - մեկնաբանում է Ջորջը:

Քեթրինը Ջորջին ծանոթացրել է իր հինգ երեխաների հետ՝ 35-ից 43 տարեկան։ Նրանց զարմացրել է զույգի տարիքային տարբերությունը, սակայն նրանք ընդունել են մոր ընտրությունը։

Իսկ ահա Ջորջի հարազատներին այս միությունն իսկապես ցնցել է։ Նրա քույրը՝ Մերին, միայն վերջերս է սկսել հաշտվել եղբոր նոր ընկերուհու հետ, սակայն կարծում է, որ սիրահարները «խելագարությունը սիրո հետ են շփոթում»։

Շատ ծանոթներ և առցանց օգտատերեր մեղադրում են Ջորջին Թոմասի փողերով հետաքրքրվելու մեջ, սակայն տարեց կինն ասում է, որ իրենց միության հասցեին քննադատության պատճառն այն է, որ մարդիկ «միշտ ուզում են ինչ-որ լավ բան ոչնչացնել»։ Նրա խոսքով՝ առանց Ջորջի իր կյանքն անիմաստ կլիներ։

Աղբյուր` Փաստինֆո