Փաստ ինֆո

Ժողովրդավարական պետությունում, եթե որևէ անձի հրաժարական են պահանջում՝ նա վերևից իջնում է ներքև և փորձում հասկանալ, թե ինչու են պահանջում իր հրաժարականը, բայց քանի որ մենք գտնվում ենք տոտալ բռնապետական իշխանության ներքո՝ այդ պատճառով էլ նախարարը չի իջնում։ Այս մասին ԿԳՄՍ նախարար Ժաննա Անդրիասյանի հրաժարականի պահանջով հրավիրված բողոքի ակցիայի ընթացքում ասաց «Խոտանել խեղաթյուրված դասագիրքը» նախաձեռնության համակարգող, «ԱՍԱԼԱ»-ի նախկին անդամ Վազգեն Պետրոսյանը։

«Մենք պահանջում են, որ նա իջնի ներքև, որպեսզի իրեն բացատրենք, որ այն ինչ ինքն անում է գիտության, կրթության, մշակույթի բնագավառում՝ երկիրը կործանման տանել է։ Ընդ որում, նա միայն իր տունը չէ, որ կործանում է, այլ կործանում է մեր բոլորի՝ հայրենքիը, այնպես, ինչպես կործանեցին Արցախը։ Մենք գիտակցում ենք, որ մեր պայքարը հեշտ չի լինելու, նա հանգիստ չի հեռանալու, քանի որ իր հրաժարականը դոմինոյի էֆեկտ է ունեննալու և հրաժարական է տալու ամբողջ կառավարությունը, այսինքն կառավարությունն ամբողջությամբ հրաժարական է տալու»։

Դիտարկմանը, թե մի՞թե այդքան լավատես է՝ Պետրոսյանը պատասխանեց, որ լավատես չէ, իրատես է։

«Մեզ չի հետաքրքրում, թե ինչպես է ինքը մտածում, մեզ հետաքրքրում է մեր երեխաների ճակատագիր, մեր երկրի ապագան, որ մեր սահմանները լինեն անձեռնմխելի, որ մեր զինվորը լինի ապահով։ Իսկ ապահով ու անձեռմխելի լինելու համար մենք կարիք ունենք հայրենիքը սիրող սերունդի, եթե չենք ուզում զոհեր ունենանք՝ պետք է լինենք պաշտպանված ու հզոր։ Աշխարհը հզորների հետ է հաշվի նստում, թույլին ֆուտբոլի գնակի նման տշում են, մենք չենք ուզում տշվել, ես չեմ կարծում, որ էստեղ կանգնած ոստիկաններն ուզում են տշվել, այդ թվում՝ մեր ոստիկանները։ Եթե մարդ կա, որ ուզում է տշվել՝ մեր իշխանություններն են, որ Ցռան Վերգոյի դերակատարումն են ստանձնել։

Մենք գիտենք, որ քանի դեռ իրեն հրահանգ չեն տվել ՝ ինքը հրաժարական չի տա։ Եթե նա ունենա մի քիչ ինքնասիրություն՝ հրաժարական կտար, այն ժամանակ, երբ իր ձեռքը դուշի ցնցուղ տվեցին ու հանձնարարաեցին գինը ճշտել, բայց նա անինքնասեր նախարար է»։
Նա ընդգծեց, որ իրենք հետևողական են լինելու։ «Մենք անընդհատ նույն կետին խփելու ենք այնքան, մինչև փլվի»։

Աղբյուր` Փաստինֆո