Փաստ ինֆո

Ավագանու նախորդ նիստին իմ բացակայությունը կապ չուներ Վարդան Ղուկասյանի հորդորի հետ՝ բոյկոտելու նիստը։ Այս մասին լրագրողների հետ զրույցում հայտնել է ավագանու «Հանրային ձայն» խմբակցության անդամ Նանա Սարգսյանը՝ հայտնելով, որ իր բացակայությունը պայմանավորված է եղել իր հորեղբոր մահանալու հետ։ «Ստիպված էի մեկնել ՌԴ»։

Դիտարկմանը, թե արդյոք իր վրա ճնշումներ եղել են՝ ավագանու վստահեցրեց, որ երբեք իր նկատմամբ ճնշում չի կիրառվել ոչ Վարդան Ղուկասյանի, ոչ էլ որևէ ուրիշ մեկի կողմից, նման փորձ չի եղել։

Հարցին, թե ինչու իրենց խմբակցությունը պառակտվեց՝ նա ասաց, որ խմբակցությունը շարունակելու է աշխատել հօգուտ երևանցիների։
Սարգսյանը նաև նշեց, որ խմբակցության ղեկավար Վահան Ավագյանն իր կենքահայրն է, իսկ Վահե Եսայանը՝ վաղեմի ընկերը։ «Իմ՝ մանդատից հրաժարումը չի նշանակում, որ մարդկային հարաբերությունները պիտի ավարտվեն»։

Դիտարկմանը, թե մեղադրանքներ կան, որ նրանք դարձել են ՔՊ-ին աջակցող ուժ ու համագործակցում են ՔՊ-ի հետ՝ Սարգսյանը պատասխանեց. «Ղալաթ են անում»։

Հստակեցմանը, թե Վարդան Ղուկասյա՞նն է ղալաթ անում՝ Սարգսյանն արձագանքեց, որ չի լսել, որ Ղուկասյանը նման բան ասի։

Հարցին, թե ինչու է մանդատը վայր դնում՝ Սարգսյանն ասաց, որ անձնական պատճառներ ունի։

Դիտարկմանը, թե ինչո՞ւ են գալիս նիստերին ու քվերում ապահովում՝ նա պատասխանեց. «լավ ենք անում»։

Նշենք, որ Նանա Սարգսյանն ավելի վաղ հայտնել էր, որ մտադիր է հրաժարվել մանդատից, իսկ ավագանու այսօրվա նիստում հայտնի դարձավ, որ «Հանրային ձայն» խմբակցության երկու անգամ դուրս է գալիս խմբակցությունից, բայց կպահի մանդատը։

Աղբյուր` Փաստինֆո