Փաստ ինֆո

Բժիշկ-ուռուցքաբան Սունա Իսակովան պատմել է, թե քաղցկեղի կանխարգելման որ մեթոդներն են համարվում ամենաօգտակար, իսկ որոնք՝ ամենաարդյունավետը: Նրա խոսքերը փոխանցում է «Իզվեստիան»։

Քաղցկեղի կանխարգելման առաջին անարդյունավետ մեթոդը Իսակովան անվանել է որոշակի մթերքներից, ադ թվում՝ երշիկեղենից եւ կարմիր մսից լիակատար հրաժարումը: Կան ուսումնասիրություններ, որոնք ապացուցել են, որ սննդամթերքներից ոչ մեկն ինքնին բարձր քաղցկեղածին հատկություն չունեն, ասում է նա: Ապխտած միսը և խիստ տապակած կարմիր միսը իսկապես կարող են մեծացնել հաստ աղիքի կամ ուղիղ աղիքի քաղցկեղի զարգացման ռիսկը, բայց միայն այն դեպքում, եթե մարդը համակարգված կերպով չարաշահում է դրանք, ընդգծել է բժիշկը:

Իսակովան նաև նախազգուշացրել է, որ ուռուցքային հիվանդությունների կանխարգելման համար իմաստ չունի ինքնուրույն արյան անալիզ հանձնել ուռուցքային մարկերների համար, քանի որ այն չի օգնի հայտնաբերել քաղցկեղը սկզբնական փուլում: Բժիշկը բացատրել է, որ այս վերլուծության հիմնական խնդիրն է վերահսկել արդեն հայտնաբերված նորագոյացությունների զարգացումը: «Երբեմն ուռուցքային մարկերների մակարդակը կարող է բարձրանալ նույնիսկ ոչ ուռուցքային հիվանդությունների դեպքում։ Բայց լինում է այնպես, որ մնում է նորմալ սահմաններում, նույնիսկ առաջադեմ ձեւերի քաղցկեղի դեպքում: Ուստի պրոֆիլակտիկ նպատակով նման անալիզներ հանձնել պետք չէ», - բացատրել է ուռուցքաբանը։ Բացառությունը, ասում է նա, միայն շագանակագեղձի հատուկ անտիգենն է՝ ուռուցքային մարկեր, որն իսկապես օգնում է շագանակագեղձի քաղցկեղի վաղ ախտորոշմանը:

Օնկոլոգիական հիվանդությունների պրոֆիլակտիկայի ամենաարդյունավետ մեթոդը Իսակովան անվանել է կենսակերպի փոփոխությունն ընդհանուր առմամբ՝ ծխելուց, ալկոհոլից և սոլյարի այցելելուց հրաժարվելը: Նա նաեւ խորհուրդ է տվել հետեւել քաշին, հավասարակշռված եւ բազմազան սնվել, սպորտով զբաղվել եւ պարբերաբար հետազոտվել կասկածելի նորագոյացությունների առկայության մասով: «Ապացուցված է, որ այս միջոցառումներին հետևելը կարող է կանխել քաղցկեղի դեպքերի 30-50 տոկոսը», — ամփոփել է ուռուցքաբանը:

Աղբյուր` Փաստինֆո