Փաստ ինֆո

Վարդենիսը քիչ-քիչ ուզում են դատարկել, որ պրծնեն, դա ձեռք է տալիս թրքացած հայերին։ Այսօր տեղի ունեցած բողոքի ակցիայի ընթացքում նման մտահոգություն է հայտնել ակցիայի մասնակիցներից մեկը։

Մեկ այլ քաղաքացի էլ նկատել է, որ ամեն մի մի փաստաթղթի համար հիմա ստիպված են գնալ Սևան կամ Գավառ։

«Մեծ, լավ պոլիկլինիկա ունենք, լավ մասնագետներ ունենք, բայց «պսիխոյի» համար պիտի հասնենք Սևան, այսինքն՝ 110 կմ պիտի անցնենք, ինչի՞։ Նույնը զինկոմիսարիատի դեպքում է, մարդիկ 3 անգամ գնում են Մարտունի գալիս, արդեն 2 տարի է զինկոմիսարիատը տարել են, հիմա էլ անձնագրային են տանում»։

Վարդենիսցիները նշում են, որ իրենց բնակավայրը սահմանամերձ համայնք է ու, փոխանակ որոշակի արտոնություններ սահմանվեն, հակառակ գործընթացն է տեղի ունենում։ «էսպես եթե շարունակվի՝ Վարդենիսը կդատարկվի։ Հիմա 2-3 հատ նոր դպրոց են սարքում, ինչի՞ համար են սարքում, եթե ամեն ինչ անում են, որ բնակչությունը թողնի գնա, աշխատատեղ չկա, որ մարդիկ ամուսնանան ու հենց էստեղ էլ երեխա ունենան, զոռով մեզ ասում են՝ գնացեք։ 4 հատ մեծ դպրոց ունենք, բայց երեխա չկա, որ էդ դպրոցը գնան սովորելու, սա այն դեպքում, երբ նախկինում էդ դպրոցներում դասերը 2 հերթափոխով էին անում։ Հիմա էլ կողքը նոր դպրոցներ են սարքում, այ մարդ, էս ինչ բիզնես եք անում»,- նշել են ակցիայի մասնակիցները։

Հիշեցնենք, որ այսօր առավոտից Վարդենիսի և հարակից գյուղերի բնակիչները փակել էին Վարդենիս տանող հիմնական ճանապարհը և պահանջում էին չփակել Վարդենիսի անձնագրային վարչությունը։

Նրանք հանդիպում են ունեցել Գեղարքունիքի մարզպետի հետ, ով հայտնել է, որ Վարդենիսի անձնագրային բաժինը կաշխատի ևս 2–3 ամիս, մինչև ավարտվի թվայնացման գործընթացը։ Եթե այդ ժամկետում գործընթացն ավարտված չլինի, քաղաքացիներին ծառայություններ կմատուցեն շրջիկ անձնագրային կ

Աղբյուր` Փաստինֆո