Փաստ ինֆո

Փարիզի դատախազությունը հետաքննություն է սկսել բժշկական ապահովագրության երկու վճարային օպերատորների վրա կիբերհարձակումների հետեւանքով Ֆրանսիայի բնակիչների գրեթե կեսի անձնական տվյալների զանգվածային հափշտակության փաստով, հաղորդում է Sud Ouest պարբերականը:

Ավելի վաղ հաղորդվել էր, որ ավելի քան 33 միլիոն ֆրանսիացիների տվյալներ գողացվել են կիբերհարձակումների արդյունքում: Խոսքը ապահովադիրների և նրանց ընտանիքների տվյալների մասին է, ինչպիսիք են ծննդյան ամսաթիվը, քաղաքացիական կարգավիճակը, սոցիալական ապահովության համարը, առողջության ապահովագրություն տրամադրող ընկերության անվանումը և պայմանագրի պայմանները:

Նշվում է, որ նախաքննությունը սկսվել է տուժած երկու ընկերությունների կողմից բողոքներ ներկայացնելուց հետո: Գործը հարուցվել է տվյալների համակարգը կոտրելու, անձնական տվյալները խարդախությամբ հավաքելու և հանցագործությունը թաքցնելու փաստով, գրում է Sud Ouest-ը:

Գողացված տվյալները չեն ներառում այնպիսի կարեւոր տեղեկություններ, ինչպիսիք են բանկային ռեկվիզիտները, անձի մասին բժշկական տեղեկությունները, հեռախոսահամարները, այդ պատճառով սեւ շուկայում գործնական արժեք չունեն, հաղորդում է պարբերականը:

Սակայն ստացված տեղեկատվության օգնությամբ հանցագործները կարող են ֆիշինգային հարձակումներ իրականացնել, քանի որ կունենան տեղեկություններ, որոնք կստիպեն զոհին հավատալ խարդախության արժանահավատությանը, ասվում է հոդվածում։

Աղբյուր` Փաստինֆո