Փաստ ինֆո

ԱՄՆ-ի քաղաքական ղեկավարությունը Ռուսաստանին մղեց մի գիծ, որից այն կողմ մենք այլևս չէինք կարող անցնել։ Այս մասին Կարլսոնին տված իր հարցազրույցում ասել է ՌԴ նախագահ Վլադիմիր Պուտինը՝ անդրադառնալով Ուկրաինայում պատերազմին։

Պուտինը ընդգծել է, որ Ուկրաինան է պատերազմը սկսել ու դա արել է դեռ 2014-ին. «Մենք դա չենք սկսել 2022 թվականին, դա կասեցնելու փորձ էր»։

Պուտինը նշել է. «2022 թվականին Ուկրաինայի հետ բանակցությունները գրեթե ավարտվել էին, սակայն Կիևը Վաշինգտոնի ցուցումով հրաժարվեց բոլոր պայմանավորվածություններից»։

Պուտինը նախագահ Զելենսկու հետ քննարկել է Ուկրաինայում նեոնացիզմը. «Ես ասացի. «Վոլոդյա, ի՞նչ ես անում, ինչո՞ւ ես այսօր աջակցում նեոնացիստներին Ուկրաինայում, երբ քո հայրը պայքարել է ֆաշիզմի դեմ։ Նա առաջին գծի զինվոր է եղել։ Չեմ ասի, թե ինչ է նա պատասխանել, սա առանձին թեմա է, և կարծում եմ՝ սխալ է»։

Պուտինը 2022 թվականի փետրվարից չի շփվել ԱՄՆ նախագահ Ջո Բայդենի հետ։ Իրենց վերջին զրույցի ժամանակ նա նրան ասել է, որ Ուկրաինային աջակցելը սխալ է։

Ինչ վերաբերուէմ  ՌԴ արտաքին քաղաքականությանը, նախագա խոսքով՝ Ռուսաստանը մտադիր չէ իր զորքերը ուղարկել Լեհաստան կամ Լատվիա. «Ինչ-որ գլոբալ պատերազմի մեջ ներքաշվելը հակասում է ողջախոհությանը: Իսկ համաշխարհային պատերազմը ողջ մարդկությանը կբերի կործանման եզրին»:

Պուտինը նաև նշել է, որ բազմիցս խնդրել է ԱՄՆ-ին դադարեցնել Կովկասում ահաբեկչությանն աջակցելը։ Ամերիկայի նախագահներից մեկը, տեսնելով ապացույցներ, որ ԱՄՆ հետախուզական ծառայությունները տեղեկատվական, քաղաքական և նույնիսկ ֆինանսական աջակցություն են ցուցաբերում կովկասյան անջատողականներին։

Ինչ վերաբերում է ՆԱՏՕ-ին անդամակցությանը՝ Պուտինը պատմել է, որ 2000 թվականին Բիլ Քլինթոնի հետ հանդիպմանը քննարկել է Ռուսաստանի մուտքը ՆԱՏՕ։ «Ես նրան հարց տվեցի. «Լսիր, Բիլ, ի՞նչ ես կարծում, եթե Ռուսաստանը բարձրացնի ՆԱՏՕ-ին անդամակցելու հարցը, ի՞նչ ես կարծում, դա հնարավոր կլինի»: Հանկարծ նա ասաց. «Գիտե՞ս, դա հետաքրքիր է, ես կարծում եմ՝ այո»: Իսկ երեկոյան, երբ մենք հանդիպեցինք ընթրիքի ժամանակ, նա ասաց. «Գիտե՞ս, ես խոսել եմ իմ ժողովրդի, իմ թիմի հետ, ոչ, հիմա դա անհնար է»,- պատմել է Պուտինը։

Աղբյուր` Փաստինֆո