Փաստ ինֆո

Պետական աջակցությամբ ինտենսիվ այգիների հիմնադրման հնգամյա ծրագիր 2023թ․ ավարտվել է։ Էկոնոմիկայի նախարարության առաջարկով Գործադին այսօրվա նիստում որոշեց այն երկարաձգել ևս երկու տարով՝ մինչև 2025թ․։

«Այդ ծրագրով հանրապետությունում 2018 թվականից մինչև 2023 թվականի ավարտը կնքվել է շուրջ 7000 հա ինտենսիվ այգի հիմնելու պայմանագիր, որի համար ավելի 100 մլրդ դրամ է ներդրվել գյուղատնտեսության այս ճյուղում»,-նախագիծը ներկայացնելիս ասաց Էկոնոմիկայի նախարար Վահան Քերոբյանը։

Հիմնավորման համաձայն՝ կարգավորման նպատակն է` հանրապետությունում շարունակել պետական աջակցությամբ խթանել ինտենսիվ այգեգործության զարգացումը, ոռոգման առաջադիմական տեխնոլոգիաների ներդրումը, ոչ ավանդական բարձրարժեք մշակաբույսերի արտադրությունը։

Նախագծով թույլատրվում է նաև արտարժույթով վարկերի տրամադրումը։

Փաշինյանը ծրագիրը շարունակելու հետ կապված խնդիր չտեսավ, բայց նկատեց՝ կատարված չարաշահումների պատճառով ռազմավարական հռչակված ոլորտի ֆինանսավորումը կրկնակիից ավել կրճատվել է 2023-ին։

«2019թ․ ֆինանսավորումը կրկնապատկվել էր, բայց 2023-ին կրկնապատիկից ավել կրճատվել է նորից։ Դրանից դառնության զգացում է մնում։ Պետք է կառավարության գործն իրավապահ մարմինների գործից տարբերակենք․ ով գողանում է, թող գնա պատասխանատվություն կրի, բայց եթե մենք թեկուզ 10 ընկերության պատճառով պետք է այդ ոոլորտ ոչնչացնենք, նշանակում է ՀՀ ապագան ենք ոչնչացնում»,-նեշց Փաշինյանը։

Փաշինյանի այս դիտարկմանը Քերոբյանը հակադարձեց․ «Վերջերս իրապահների հայտանբերված խախատումնեը վերաբերում են 234 մլն դրամի, բայց նշեցի, որ շուջբ 100 մլրդն դրամի ներդրում է արվել։ Չարաշահումները ոչ թե գողության, այլ շահառուների կողմից խարդախության դեպքեր են ու դրա համար եթե պատժվում են մարդիկ, ովքեր չեն գողացել,պարալիզացվում է ամբողջ պետական համակարգը։ Մեզ հարց են տասլիս՝ ինչպե՞ս աշխատենք, որ վստահ լիենք, որ մեր ազնիվ ախատանքը վերջում չի պատժվելու»։

Աղբյուր` Փաստինֆո