Փաստ ինֆո

Իմ խաչը ծանր է, ցավոք ՀՀ-ում գրեթե տենց թեմա չկա, որի հետ ես կապ չունեմ։ Դատական համակարգից, բնական է, կա դժգոհություն ոչ միայն իմ, այլև՝ մեր բազմաթիվ քաղաքացիների կողմից։ Կարծում եմ, որ ՀՀ ԱՆ նախարարի գաղափարը, որ այն բոլոր դեպքերում, երբ դատավորների գործունեության հետ կապված կան մտահոգություններ, կա հնարավորություն նաև քննարկման դնել այդ գործողությունը և, կարծում եմ, մեր համաքաղաքացիները պետք է այդ հնարավորությունից օգտվեն։ Դատավորները պետք է իմանան, որ իրենց որոշում, անկախ նրանից, թե ում է վերաբերում, չի անտեսվելու և քաղաքացիները գնալու են այդ որոշումների հետևից։ Այս մասին ԱԺ-ում հայտարարեց ԱԺ նախագահ Ալեն Սիմոնյանը՝ դիմելով ԲԴԽ նախագահ Կարեն Անդրեասյանին;

Վերջինս էլ արձագանքեց, թե բացառիկ տեղ է հասել դատական համակարգը, որ խնդիրներն ու մտահոգությունները բարձրացվում են ԱԺ բոլոր թևերից, ինչը կարող է և լավ, և վատ ընկալման պատճառ լինել, բայց երբ դատական իշխանությանը թողեցին իրենց յուղի մեջ տապակվել, այսինքն՝ գործի անկախ և լիարժեք լինի իր որոշումների տերը, դա ոչ ոքի իրավունք չտվեց գալ նրան, որ դատավորը և դատական իշխանությունն անկախ է նաև օրենքից։

«Սա կարևոր արձանագրում է, որ մի կողմից՝ ԱԺ ոչ մի թև, ոչ մի կուսակցություն չպետք է ճնշի դատավորին, բայց մյուս կողմից դատավորը չպետք է մտածի․, որ ցանկացած ապօրինություն պետք է լինի անպատժելի»,- ասաց Անդրեասյանը՝ հավելելով, որ ԲԴԽ-ն պատասխանատվության կենթարկի այն դատավորին, որը խախտել է քաղաքացու իրավունքը։

Ալեն Սիմոնյանը նաև մտահոգություն է հայտնել, թե դատավորները վիրավորանքի ու զրպարտության գործերով, բավարարելով հայցը, գումարային փոխհատուցման փոխհատուցման  ցածր շեմ են սահմանում՝ չմոռանալով նշել, որ ինքը եւս բազմաթիվ հայցեր ունի ներկայացրած։

Աղբյուր` Փաստինֆո