Փաստ ինֆո

ՀՀ անկախության Հռչակագիրը, Նիկոլ Փաշինյանի գնահատմամբ, խանգարում է խաղաղության օրակարգին։ Նման հայտարարությամբ նա հանդես է եկել այսօր՝ ԱԺ-ում։

Նրա խոսքերով՝ Անկախության հռչակագրի նախաբանում դրված է երեք հիմնական ուղենիշ, որոնցից մեկը պատմական արդարությունն է, երկրորդը հայ ժողովրդի իղձերը, եւ երրորդը՝ Լեռնային Ղարաբաղի հիմնախնդիրը։

«Մեր պետության հիմքում դրել ենք պատմական արդարության ձգտումը, բայց չենք ձեւակերպել՝ ո՞րն է պատմական արդարությունը, որովհետեւ Հայաստանի տարբեր քաղաքական ուժեր ու խմբեր, գաղափարախոսություններ պատմական արդարություն ասելով հասկանում են բոլորովին տարբեր բաներ։ Ո՞րն է հայ ժողովրդի իղձը․ հայ ժողովուրդը բնակվում է Արգենտինայում, Միացյալ Նահանգներում, Ռուսաստանում, Իրանում եւ Իսրայելում, մենք վստահ ենք, որ այնտեղ ապրող հայ ժողովրդի իղձերը նույնակա՞ն են, մենք համոզվա՞ծ ենք։ Եթե համոզված ենք, դա որտե՞ղ է ձեւակերպված։ Ի՞նչ է նշանակում՝ Լեռնային Ղարաբաղի եւ Հայաստանի Հանրապետության միավորման մասին որոշումը, մենք մեր քաղաքականությունները կառուցում ենք հետագայում դրա վրա՞, եթե այո, ապա դա նշանակում է՝ մենք ի՞նչ խաղաղության մասին ենք խոսում, նշանակում է՝ խաղաղությունն անհնար է։ Այդ քննարկումը որեւէ կապ չունի ուրիշ մեկի հետ, դա մեր քննարկումն է։ Մեր այսօրվա, վաղվա, մեր ապագայի մասին է»,-հայտարարել է Փաշինյանը։

Մանրամասները՝ տեսանյութում։

Աղբյուր` Փաստինֆո