Փաստ ինֆո

Նիկոլ Փաշինյանի վարկանիշի անկումը շարունակվում է, ընդ որում՝ սրընթաց։ Այս մասին են վկայում միջազգային հեազոտական կենտրոնի սոցհարցման արդյունքները։

Երկու ամսվա ընթացքում շուրջ նրա վարկանիշն ընկել է շուրջ 5 տոկոսով։ Այսպես՝ Գելլափ միջազգային հետազոտական կենտրոնի հայաստանյան գրասենյակի կողմից հունվարի 23-ից 26-ն ընկած ժամանակահատվածում կատարված հետազոտության տվյալներով՝ հարցին, թե «որքանո՞վ եք վստահում ՀՀ վարչապետ Նիկոլ Փաշինյանին» հարցվածների միայն 15,1 %-ն է պատասխանել՝ «լիովին վստահում եմ»։ Մինչդեռ 2023թ.-ի նոյեմբերին նույն հարցին դրական էր պատասխանել 20,4%-ը։

«Ավելի շուտ վստահում եմ» նշել է հարցվածների 13,9 %-ը, այդ թիվը 2023 թվականի նոյեմբերին կազմել է 13,2%, շուրջ 10 տոկոսով ավելացել է «ավելի շուտ չեմ վստահում» պատասխանողների թիվը. հունվարին այդ ցուցանիշը կազմել է 28,3%՝ նախկինում 18,6% -ի փոխարեն։

Նիկոլ Փաշինյանին «ընդհանրապես չեմ վստահում» նշել է հարցվածների 38,1%, որի ցուցանիշը նոյեմբերին կազմում էր 35,5%: Հարցմանը դժվարացել է պատասխանել 4,6%-ը (12,3%)։

Աղբյուր` Փաստինֆո