Փաստ ինֆո

Մասնագիտական շրջանակների կողմից մի քանի անգամ քննարկվել է «Հայոց պատմություն» առարկան «Հայաստանի պատմություն» վերանվանելու հարցը։ Այս մասին ԱԺ-ում հայտնեց ԿԳՄՍ նախարար Ժաննա Անդրեասյանն՝ ընդծգելով, որ այս հարցին անդրադարձել են անկախացումից անմիջապես հետո, երբ առարկայի վերաիմաստավորման խնդիր է դրվել, երկրորդ անգամ այն քննարկվել է, երբ քննարկվում էր հանրակրթական պետական չափորոշիչը։

«Գիտեք, ես այդ բոլոր քննարկումներից հանգել եմ մի եզրակացության, որ առարկայի անվանումը ամենևին էլ մասնագիտական տիրույթի խնդիր չէ, քանի որ «Հայոց պատմություն» առարկան, որ ուսուցանվում էր՝ պետք է ունենար կոնկրետ նպատակ»։

Նա ընդգծեց, որ մենք ապրում ենք Հայաստանի Հանրապետությունում, և Հայաստանի դպրոցներում պետք է անցնեն Հայաստանի պատմությունը։ Կուզեմ առանձնահատուկ ընդգծել այն անհեթեթ դիտարկումները, թե «Հայաստանի պատմություն» կոչելով առարկայից դուրս է մնալու այն բովանդակությունը, որը կազմում է մեր պատության մասը։ Սա ամենևին էլ բովանդակության մասին չէ, բովանդակությունը նույնն է՝ անկախ անվանումներից։

Անվանումները այն մեթոդաբանական դիտանկյունն է, որով մենք մոտենում ենք պատմության ուսուցանմանը։ Երբ ես ասում էի, որ պատմության ուսուցանումն ունի կոնկրետ նպատակ՝ պիտի շեշտադրեմ այն նպատակը, որ տարբեր երկրներում են արվում։ Ամեն երկրում պատմության ուսուցանումը առաջին հերթին այդ պետության, երկրի քաղաքացիների ձևավորման գործընթաց է և առաջնահերթ է, որպեսզի պատմության ուսուցանումը կազմակերպվի և կառուցվի պետության առանցքի շուրջ՝ անկախ նրանից այդ ժամանակահատվածներում պետությունը եղել է, թե չի եղել»։

Նա ընդգծեց, որ այսօրվա դասագրքերի բացերից մեկն այն է, որ դրանք պետական մտածողության բացակայություն են սերմանում աշակերտների մոտ և նոր դասագրքերն առաջարկլու են այս խնդրի լուծումները։

Աղբյուր` Փաստինֆո