Փաստ ինֆո

Իմ շրջապատում չկա մարդ, որ կուզենա ադրբեջանական Արցախ վերադառնալ։ Շատերն են ուզում վերադառնալ, բայց՝ հայկական Արցախ։ Այս մասին «Փաստինֆոյի» հետ զրույցում ասաց Արցախի հանրապետության Ազգային Ժողովի պատգամավոր Դավիթ Գալստյանը՝ անդրադառնալով համացանցում տարածվող տեսանյութին։ Նշենք, որ աղմուկ հանած տեսանյութում Արցախում մնացած կինը Հայաստան տեղափոխված մեկ այլ արցախցի կնոջ պատմում է, թդ մոտ 1000 արցախցի առաջիկայում պատրաստվում են վերադառնալ Արցախ։

«Ընդհանրապես տեղեկություն չունեմ, թե ինչի մասին է խոսքը, եթե իսկապես հավաքագրում են, ապա ովքեր են դա անում, ինչ ճանապարհով են ուզում էդ մարդկանց տանել։ Եթե իսկապես նման նախաձեռնություն կա, ապա նրանք պետք է պարզաբանեն թե ինչպես են դա պատկերացնում, ինչ երաշխիքներ ունեն, քանի որ այս պայմաններում նման բան անելը մարդկանց անորոշություն տանել կլինի։ Ես անձամբ տեղեկություն չունեմ, որ նման նախաձեռնութուն կա։ Չեմ կարծում, որ որևէ գործիչ այսօր կարող այդ 1000 հոգու ճակատագրի համար պատասխանատվություն վերցնել, դա մարդկանց անորոշություն տանել կլինի։ Եթե նման բան լինի, ապա դա ոչ կշռադատված քայլ է, քանի որ առհասարակ պարզ չէ, թե ինչ պայմաններով են նրանք վերադառնալու, ինչ կարգավիճակ են ունենալու, քանի որ այսօր չկան բանակցություններ», - ասաց արցախցի պատգամավորը։

Գալստյանն ընդգծեց, որ այսօր շատերն են ցանկանում վերադառանալ, բայց իրենք պետք է վերադառնան կոլեկտիվ և արդեն իսկ ձեռք բերված պայմանավորվածությունների առկայությամբ՝ իրենց ֆիզիկական անվտանգության մասով, իրավունքների մասով

«Իմ շրջապատում բոլորն էլ ուզում են վերադառնալ ու մենք այդ ուղղությամբ քայլեր ենք ձեռնարկում, որպեսզի մեր իրավունքները վերականգնվեն և ֆիզիկական անվտանգության երաշխքներով վերադառնանք, բայց առայժմ ոչ մի ձև հնարավոր չէ այդ ուղղությամբ շոշափելի արդյունքների հասնել։ Այո, շատերն են ուզում վերադառնալ, բայց այստեղ հարցն այն է, թե ուր ենք գնում»։

Աղբյուր` Փաստինֆո