Փաստ ինֆո

ԶՈՒ-երի ամենամեծ պրոբլեմը մահվան այն դեպքերն են, որոնք ծառայության բերումով են, խոսքը՝ ինքնասպանությունների, ինքնասպանության հասցնելու և սպանության դեպքերի մասին է։ Այս մասին Հանրային ՀԸ եթերում ասել է ՀՀ ՊՆ նախարար Սուրեն Պապիկյանը։

«Բայց երբ խոսում ենք բանակում ոչ մարտական պայմաններում զոհերի թվերի մասին և հղում ենք կատարում վիճակագրությանը, ապա որոշակի այլ թվերի է անդրադարձ կատարվում։ Մասնավորապես, երբ նայում ենք վիճակագրությունը, ապա դա ցույց է տալիս ոչ միայն տարվա սպանությունները և ինքնասպանությունները, այլև՝ տեսնում ենք դեպքեր, որոնք կարող են լինել դժբախտ պատահարների, ՃՏՊ-ների, հիվանդությունների և այլն»,- նշեց Պապիկյանը՝ հավելելով, որ, օրինակ, «ՀՀ–ում 2022 թվականին մահվան ելքով 193 ՃՏՊ է եղել, ԶՈւ մասնաբաժինը կազմել է 17 դեպք, 2023 թվականին գրանցվել է մահվան ելքով 204 դեպք, ԶՈւ մասնաբաժինը կազմել է 12 դեպք։ Սուրեն Պապիկյանը նաև ուշադրություն հրավիրեց բարքերի վրա՝ նշելով, որ հասարակությունը պետք է հասկանա, որ այն, ինչ տեղի է ունենում բանակում, նաև կյանքի մի մասն է, այսինքն, երբ զինվորը գալիս է բանակ, նա իր հետ բերում է բարքեր։

«Մեր խնդիրն է այդ բարքերը զրոյացնելն է, զինվորին կարգապահ դարձնելը և երկամյա ծառայությունից հետո առողջ հասցնել տուն։ Խնդիրներին նայելիս, սակայն, պետք է ունենանք օբյեկտիվություն և հարցերին ճիշտ դիտանկյունով նայենք»,- նշեց Պապիկյանը։

Աղբյուր` Փաստինֆո