Փաստ ինֆո

Ազգային արժեքների պաշտպանության «Կամք» հասարակական նախաձեռնության հիմնադիր Վահագնմ Չախալյանն ահազանգում է առ այն, որ Երևանում գտնվող «Պաշարված Լենինգրադի երեխաներին» հուշարձանն անարգած Սամվել Շիրինյանը կարող էր գործել Ադրբեջանի կամ Թուրքիայի հատուկ ծառայությունների դրդմամբ։ Նա այսօր պահանջագիր է ներկայացևել ԱԱԾ՝ խնդրելով ստուգել Շիրինյանի կապերը Ադրբեջանի կամ Թուրքիայի հատուկ ծառայությունների, Հայաստանում գործող քաղաքական ուժերի հետ, ինչպես նաևւ նրա իրական շարժառիթները:

Ֆեյսբուքյան իր էջում ուղիղ հեռարձակման ընթացքում նա նշեց, որ «այդ իբրև վրդովված քաղաքացու վերաբերյալ ինձ մոտ հիմնավոր կասկած առաջացավ հենց առաջին պահից, որովհետև նրան երբևիցե որևէ հայկական պահանջատիրական ակցիայի ժամանակ չեմ տեսել: Եթե նա լիներ պայքարող, հայրենասեր մեկը և ինչ-որ մի վրդովված արարք աներ, իմ մոտ գուցե կասկած չառաջանար, բայց քանի որ այդ անձնավորությունը բացարձակապես անծանոթ էր՝ իմ մոտ հիմնավոր կասկած առաջացավ, որ նրա շարժառիթները կարող են այլ լինել»։
Չախալյանը պահանջում է, որ դեպքի առթիվ նախաձեռնվի քրեական վարույթ և Շիրինյանի նկատմամբ քրեական հետապնդում հարուցվի ՀՀ քրեական օրենսգրքի 329-րդ հոդվածի 2-րդ մասի 3-րդ կետով (ատելություն, անհանդուրժողականություն և թշնամանք հրահրելուն ուղղված հրապարակային կոչեր):

Նա հույս հայտնեց, որ Ազգային անվտանգության ծառայության ղեկավար Արմեն Աբազյանն ընթացք կտա իր պահանջագրին:

Աղբյուր` Փաստինֆո