Փաստ ինֆո

Կառավարության այսօրվա նիստում Հանրային ծառայությունները կարգավորող հանձնաժողովի նախագահի պաշտոնում կրկին առաջադրվեց Գարեգին Բաղրամյանի թեկնածությունը։ Վարչապետի աշխատակազմի ղեկավար Արայիկ Հարությունյանը նշեց, որ վերջինիս պաշտոնավարման ժակետը լրանում է 2024թ․ ապրիլի 18-ին․ դրանից ոչ ուշ քան, երեք և ոչ շուտ, քան երկու ամիս առաջ տեղեկություն է ուղարկվում ԱԺ, որտեղ մեկ ամսվա ընթացքում պետք է հաստատվի առաջադրված թեկնածուն։

Փաշինյանը Բաղրամյանի թեկնածության առաջադրման հետ կապված խնդիր չտեսավ, բայց անելիքների մասով որոշ դիտարկումներ արեց․
«Մենք մեծ ակնկալիքներ ունենք վերականգնվող էլեկտրաէներգիայի, նոր ատոմակայանի կառուցման հետ կապված։ Ունենք նաև մեծ խնդիրներ ջրի ոլորտում»,- նշել է Փաշինյանն ու նկատել, որ պետք է քաղաքական կամք ցուցաբերեն՝ լուծումների գնալու համար։

«Ջրի նկատմամբ մեր վերաբերմունքն այնպիսին է, ոնց որ գնանք մտնենք Մերսեդեսի սալոն, հանենք 100 հազար դրմ տանք ու ասենք՝ մեզ մի լավ ավտո տվեք։ Մեզ ասում են՝ ջրի համար փող եք ուզում, բայց մենք ոչ թե ջրի, այլ այդ ջուրը սարերից տուն հասցնելու համար ենք ուզում»,- հայտարարել է Փաշինյանն ու նշել, որ ջուրը ձրի է, ով ուզենա գնա սարից դույլերով ջուր բերի, ոչ ոք չի ասի փող տուր։
Փաշինյանը նաև շեշտեց՝ ոռոգման համակարգը էլեկտրաէնեգն շնորհիվ տնտեսությունը վերակազմակերպելու դեպքում, ըստ վարչապետի, այդ խնդիրը կլուծվի։

Փաշինյանը դժգոհ էր նաև գործող բազմաթիվ մեխանիզմների մասին հասարակության անտեղյակությունից։ Հանձնարարեց՝ իրազեկվածության մակարդակը նույնպես բարձրացնել։

«Նման մեխանիզմ է գործում․ եթե, օրինակ, հոսանկազրկումը չի վերականգնվում չորս ժամ, ապա մատակարարող ընկերությունը՝ ՀԷՑ-ը, տուգանք է վճարում քաղաքացիներին։ Մեխանիզմներ կան նաև, որ քաղաքացիները կարող են դիմել նաև էլեկտրաէնեգիայի որակի, մատակարարման հետ կապված հարցերի դեպքում»,-նշեց Փաշինյանը։

Աղբյուր` Փաստինֆո