Փաստ ինֆո

ՀՀ ԱԺ «Քաղաքացիական պայմանագիր» խմբակցության կին պատգամավորները հերթական խնդրահարույց նախագծին են դրել շրջանառության մեջ, որով հերթական անգամ փորձ է արվում նսեմացնել ավանդական ընտանիքի դերը։

Խոսքը Զարուհի Բաթոյանի, Սոնա Ղազարյանի եւ Ծովինար Վարդանյանին առաջարկած՝ «Ընտանիքում բռնության կանխարգելման, ընտանիքում բռնության ենթարկված անձանց պաշտպանության եւ ընտանիքում համերաշխության վերականգնման մասին» օրենքում փոփոխություններ եւ լրացումներ կատարելու մասին» օրենքի նախագծի մասին է, որով հերթական անգամ ՔՊ-ն փորձ է անում «զուգընկեր» եզրույթը ներդնել ընտանիքի մոդելի մեջ;

Հատկանշական է, որ նախագիծը մի շարք կետերով խնդրահարույց է համարվել նաև հենց ԱԺ փորձագիտական և վերլուծական վարչության կողմից։ Մասնավորապես, իրավական փորձաքննության արդյունքներում նշվում է, որ իրավական որոշակիության տեսանկյունից խնդրահարույց լինելու «զուգընկեր» հասկացության ներդրումը նախագծում: Սահմանադրական դատարանը, անդրադառնալով իրավական որոշակիության սկզբունքի սահմանադրաիրավական բովանդակությանը, իր՝ 2021 թվականի դեկտեմբերի 23-ի ՍԴՈ-1621 որոշման մեջ հայտնել է իրավական դիրքորոշում առ այն, որ «Իրավական որոշակիության ապահովման տեսանկյունից օրենսդրության մեջ օգտագործվող հասկացությունները պետք է լինեն հստակ, որոշակի եւ չհանգեցնեն տարաբնույթ մեկնաբանությունների կամ շփոթության»: Ըստ եզրակացության՝ օրենքով նախատեսվում են բռնություն գործադրած անձանց իրավունքների սամանափակումներ, որոնց թվին Նախագծով առաջարկվում է դասել նաեւ «զուգընկերոջը» կամ «նախկին զուգընկերոջը»:

Այս տեսանկյունից առավել քան շոշափելի են այն խնդիրները, որոնք կարող են առաջանալ Նախագծով նախատեսվող փոփոխությունների կատարման արդյունքում: «Նախ խնդրահարույց է լինելու որակել` արդյոք անձի կողմից բռնությունը կիրառվել է կենցաղային հարաբերությունների շրջանակում, քանզի այդ հարաբերությունները, միանշանակ չեն ընկալվում:

Վարչությունն առաջարկում է իրավական որոշակիության սկզբունքի պահպանման ոգով ապահովել Նախագծում «զուգընկեր» հասկացությունների որոշակիությունն ու միանշանակությունը։

Փաստացի՝ ՔՊ-ն ընտանեկան իրավահարաբերությունների նոր սուբյեկտներ է փորձում ներդնել, որոնք կարող են լինել նաև նույնասեռ անձինք, մինչդեռ ընտանիքը սահմանադրորեն բացառապես տղամարդու և կնոջ կամավոր միություն է։ Նախագծի հեղինակները ընտանիքում բռնության դեմ պայքարի անվան տակ կրկին փորձում են փոխել ավանդական ընտանիքի վերաբերյալ սահմանումը:
Սա ի դեպ, առաջին անգամ չէ, որ «զուգընկեր» եզրույթը փորձ է արվում ներմուծել ազգային իրավական համակարգ։ Նման փորձ նույն օրենսդրական փոփոխության շրջանակներում արվել է նաև դեռ 2019 թ-ին, երբ Աշխատանքիև սոցիալական հարցերի նախարար էր Զարուհի Բաթոյանը։

Աղբյուր` Փաստինֆո